வார ராசிப்பலன் 13.10.2024 முதல் 19.10.2024 வரை

ஆக்கப்பூர்வமான வாரம். ராசியில் அஷ்டமாதிபதி குரு வக்ரம் அடைந்து ராசிக்கு ராசி அதிபதி சுக்ரனின் பார்வை உள்ளதால் ஆயுள், ஆரோக்கியம், அறுவை சிகிச்சை சார்ந்த பயம் அகலும். பழைய நினைவுகள் மூலம் மகிழ்ச்சியான தருணங்கள் உண்டாகும். உங்கள் மீதான நம்பிக்கையில் மாற்றம் ஏற்படும். உத்தியோகத்தில் உயர் அதிகாரிகளால் ஏற்பட்ட இன்னல் தீரும். வெளியூர், வெளிநாட்டு வேலையில் நிலவிய தடை, தாமதங்கள் அகலும்.தீபாவளி முடிந்தவுடன் வேலையை மாற்றம் செய்யும் எண்ணத்தை தவிர்ப்பது புத்திசாலித்தனம்.

வீட்டில் மங்களகரமான சுப நிகழ்வுகள் நடக்கும். சிலர் ரசனைக்கு ஏற்ப வீட்டின் அமைப்பை மாற்றுவார்கள். போட்டி பந்தயங்களை தவிர்க்க வேண்டும். திருமண வயதில் உள்ள மகன் அல்லது மகளின் திருமணம் தொடர்பான முயற்சிகள் சாதகமாக முடியும். குடும்பத்தை நிர்வகிக்கும் பெண்களுக்கு அதிக பொறுப்புகளால் மனதில் சோர்வும் உடல் அசதியும் உண்டாகும். காதல் முயற்சிகளால் அவப்பெயர் உண்டாகும். வேற்று மொழி பேசுபவர்கள், வேற்று மதத்தினரின் நட்பு மற்றும் உதவிகள் கிடைக்கும். கிருஷ்ணர் வழிபாடு நல்லது.

`பிரசன்ன ஜோதிடர்' ஐ.ஆனந்தி

செல்: 98652 20406