656கி.மீ. ரேஞ்ச் வழங்கும் புது எலெக்ட்ரிக் எஸ்யுவி அறிமுகம் செய்த மஹிந்திரா

மஹிந்திரா நிறுவனத்தின் அதிகம் எதிர்பார்க்கப்பட்ட XEV 9e எலெக்ட்ரிக் கார் மாடல் இந்திய சந்தையில் அறிமுகம் செய்யப்பட்டது. XUV700 மாடலை சார்ந்து உருவாக்கப்பட்டு இருக்கும் புதிய எலெக்ட்ரிக் எஸ்.யு.வி. கூப் மாலின் விலை இந்தியாவில் ரூ. 21.9 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய XEV 9e எலெக்ட்ரிக் எஸ்யுவி மாடலுடன் BE 6e மாடலையும் மஹிந்திரா நிறுவனம் அறிமுகம் செய்தது. XEV 9e மாடலில் முக்கோண வடிவம் கொண்ட ஹெட்லைட் மற்றும் ப்ரொஜெக்டர் லைட்கள், எல்.இ.டி. டி.ஆர்.எல்.கள், முன்புறம் எல்.இ.டி. லைட் பார்கள் உள்ளன. இத்துடன் மேம்பட்ட எல்.இ.டி. டெயில் லைட்கள், இன்டகிரேட்டெட் ஸ்பாயிலர், கனெக்டெட் டெயில் லேம்ப் செட்டப், புதிய அலாய் வீல்கள் வழங்கப்பட்டுள்ளன.

மஹிந்திரா XEV 9e மாடலில் ஸ்டீரிங் வீல், பானரோமிக் சன்ரூஃப், லெவல் 2 ADAS சூட், 360 டிகிரி கேமரா, டூயல் ஜோன் கிளைமேட் கண்ட்ரோல், 3 ஸ்கிரீன்கள் கொண்ட டேஷ்போர்டு, புதிய கியர் லீவர் மற்றும் சுழலும் வகையிலான டயல் வழங்கப்பட்டு இருக்கிறது. இந்த காரில் 16 ஸ்பீக்கர்கள் கொண்ட மியூசிக் சிஸ்டம், ஆட்டோ பார்க் வசதி, வயர்லெஸ் மொபைல் ப்ரோஜெக்ஷன் வசதி, ஏழு ஏர்பேக், 65 வாட் டைப் சி சார்ஜிங் போர்ட்கள் வழங்கப்படுகின்றன.

புதிய XEV 9e மாடல் 59 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த காரில் உள்ள எலெக்ட்ரிக் மோட்டார் 228 ஹெச்பி பவர், 380 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் முழு சார்ஜ் செய்தால் 656 கிலோமீட்டர்கள் வரையிலான ரேஞ்ச் வழங்குகிறது. இந்த காரை 140 கிலோவாட் டிசி பாஸ்ட் சார்ஜர் மூலம் 20 நிமிடங்களில் 20-இல் இருந்து 80 சதவீதம் வரை சார்ஜ் ஏற்ற முடியும்.