கோலி உணவகத்தில் வேட்டி சட்டையுடன் சென்ற தமிழருக்கு அனுமதி மறுப்பு

இந்திய கிரிக்கெட்டின் அணியின் நட்சத்திர வீரர் விராட் கோலி. இவருக்கு சொந்தமான உணவகத்தில் வேட்டி கட்டி சென்ற தமிழருக்கு அனுமதி மறுக்கப்பட்ட சம்பவம் சர்ச்சையை ஏற்படுத்தி உள்ளது.

மதுரையை சேர்ந்த ராப் பாடகர் ராம் என்பர், ராவண ராம் என்ற பெயரில் சமூக வலைதளங்களில் வீடியோக்கள் பதிவு செய்து பிரபலமானவர். இவர் விராட் கோலிக்கு சொந்தமான மும்பையில் உள்ள ஒன் 8 என்ற உணவகத்துக்கு சாப்பிடுவதற்காக வேட்டி சட்டையில் சென்றுள்ளார்.

அந்த உணவகத்தில் வேட்டி சட்டை போட்டு செல்ல அனுமதி இல்லை என ஊழியர்கள் தெரிவித்துள்ளனர். இதனால் மனமுடைந்த அவர் அந்த உணவகம் முன் நின்று தனக்கு நடந்த சம்பவத்தை வீடியோவாக வெளியிட்டுள்ளார். இதற்கு பலரும் கண்டனம் மற்றும் அதிருப்தியை கமெண்டில் தெரிவித்து வருகின்றனர். இது குறித்த வீடியோ தற்போது வைரலாகி வருகிறது.