ஜிம்பாப்வேவுக்கு எதிராக 3-வது டி20: 4 மாற்றங்களுடன் இந்தியா பேட்டிங் தேர்வு

ஹராரே:

சுப்மன் கில் தலைமையிலான இந்திய கிரிக்கெட் அணி, ஜிம்பாப்வேயில் சுற்றுப்பயணம் செய்து அந்த நாட்டு அணிக்கு எதிராக 5 ஆட்டங்கள் கொண்ட டி20 தொடரில் விளையாடி வருகிறது. இதில் முதலாவது ஆட்டத்தில் ஜிம்பாப்வே அணி 13 ரன் வித்தியாசத்திலும் 2-வது ஆட்டத்தில் இந்திய அணி 100 ரன் வித்தியாசத்தில் வெற்றி பெற்று தொடரில் 1-1 என்ற கணக்கில் சமநிலையை உள்ளது.

இந்த நிலையில் இரு அணிகள் மோதும் 3-வது டி20 கிரிக்கெட் போட்டி ஹராரே ஸ்போர்ட்ஸ் கிளப் மைதானத்தில் இன்று நடக்கிறது. இதில் டாஸ் வென்ற இந்திய அணி பேட்டிங்கை தேர்வு செய்துள்ளது.

இந்திய அணியில் 4 மாற்றங்கள் செய்யப்பட்டுள்ளது. சஞ்சு சாம்சன், சிவம் துபே, ஜெய்ஸ்வால் மீண்டும் இந்திய அணிக்கு திரும்பியுள்ளனர். வேகப்பந்து வீச்சாளர் முகேஷ் குமாருக்கு பதிலாக கலீல் அகமது இடம் பிடித்துள்ளார்.