புனித சந்தியாகப்பர் திருத்தல தேர்பவனி

திருச்சி பெரிய மிளகுபாறையில் புனித சந்தியாகப்பர் திருத்தலம் உள்ளது. இந்த திருத்தல பெருவிழா ஒவ்வொரு ஆண்டும் மிக சிறப்பாக கொண்டாடப்படுவது வழக்கம். அதன்படி இந்த ஆண்டு விழா கடந்த 16-ந் தேதி தொடங்கியது. தொடர்ந்து தினமும் ஆலயத்தில் சிறப்பு திருப்பலி நடந்தது.

விழாவின் முக்கிய நிகழ்ச்சியான தேர்பவனி நேற்று இரவு நடந்தது. இதில் ஏராளமானவர்கள் கலந்து கொண்டனர். இன்று (புதன்கிழமை) காலை 6.15 மணிக்கு நன்றி திருப்பலி நடக்கிறது.