தைராய்டு பிரச்சனைகளை தீர்க்கும் வெற்றிலை பாக்கு

பொதுவாக செரிமான சக்திக்கு நல்லது என்பதால் அந்த காலத்தில் மூன்று வேளையுமே வெற்றிலை, பாக்கு போடும் வழக்கம் இருந்தது. ஆனால் இன்று வெற்றிலை, பாக்கு போடுவது இமேஜை பாதிக்கிற விஷயமாக மாறிவிட்டது. மற்றும் வெற்றிலை, பாக்கு போட்டால் பற்கள் கறையாகும் என்று பல் மருத்துவர்கள் அதை தவிர்க்க சொல்கிறார்கள்.

வெற்றிலை, பாக்கு போடுவது மிகவும் சரியானதே. நோயில்லாத வாழ்க்கைக்கு நம் முன்னோர்கள் காலம் காலமாகப் பின்பற்றிய நல்ல வழக்கம் இது. இதை ஆரோக்கியத்துக்கான அன்றாடப் பழக்கமாக கடைப்பிடிக்க வேண்டும் என்று நம் முன்னோர்கள் சொல்லி இருக்கிறார்கள்.

வெற்றிலையில் 84.4% நீர்ச்சத்தும், 3.1% புரதச் சத்தும், 0.8% கொழுப்புச் சத்தும், கால்சியம், கரோட்டின், தயமின், ரிபோபிளேவின், வைட்டமின் சி மற்றும் 44 அளவிலான கலோரி ஆகியவை நிறைந்துள்ளது.

வெற்றிலை குறித்து அண்மையில் ஆய்வு ஒன்று நடத்தப்பட்டது. அதில் மிகவும் வீரியமிக்க நோய் எதிர்ப்புத் திறன் கொண்ட சவிக்கால் (Chavicol) என்னும் பொருள் இருப்பதாக கண்டறியப்பட்டுள்ளது. கால்சியம், இரும்புச்சத்து ஆகியன அதிகம் உள்ள வெற்றிலையை பயன்படுத்தி பல நோய்களை குணப்படுத்த முடியும் என்றும் தெரிவிக்கப்பட்டுள்ளது.

நம் உடலில் வாதம், பித்தம், கபம் என மூன்று விஷயங்கள் உண்டு. இந்த மூன்றும் குறையவும் கூடாது, அதிகரிக்கவும் கூடாது. சரியான அளவில் இருக்க வேண்டும். வெற்றிலை போடுவது உடலில் கபம் சேர்வதைத் தடுக்கிறது.

ஆஸ்துமா, தலையில் நீர்கோர்த்தல் போன்ற பல விஷயங்களுக்கு வெற்றிலை மருந்தாக செயல்படுகிறது. வெற்றிலை போடுவதால் வைட்டமின் சி உள்ளிட்ட சத்துகள் கிடைக்கிறது. இதனால் ஒட்டுமொத்த ஆரோக்கியத்துக்கும் நல்லது. எலும்புகளுக்கும் வலுசேர்க்கக்கூடியது. வாயுத்தொல்லை வராது.

வெற்றிலையோடு வால்மிளகு, ஏலக்காய், கிராம்பு, சிறிது ஜாதிக்காய் சேர்த்து சாப்பிடுவது செரிமான சக்தியை இன்னும் சிறப்பாக்கும்.

வெற்றிலை பாக்கு போடுவதால் சில வகையான தைராய்டு பிரச்சனைகளுக்கு சிறந்த தீர்வாக இருக்கும் என்று மருத்துவர்கள் கூறுகிறார்கள். வெற்றிலை போடுவதால் தைராய்டு சம்பந்தமான பிரச்சனைகளை குறைக்கிறது.

தைராய்டு பிரச்சனை இருப்பவர்களுக்கு வெற்றிலை பாக்கு மற்றும் சுண்ணாம்பு, தேவைப்பட்டால் கிராம்பு சேர்த்து போடுவதற்கு டாக்டர்கள் பரிந்துரைக்கிறார்கள். இதனை தொடர்ந்து பயன்படுத்தி வரும் போது நல்ல மாற்றத்தினை உணரமுடியும் என்கிறார்கள் மருத்துவர்கள்.