தா.பழூரில் ஊராட்சி ஒன்றிய குழு கூட்டம்

உடையார்பாளையம்,

அரியலூர் மாவட்டம் தா.பழூர் ஊராட்சி ஒன்றிய குழு சாதாரண கூட்டம் ஊராட்சி ஒன்றிய அலுவலக வளாக கூட்ட மன்றத்தில் நடைபெற்றது. துணை வட்டார வளர்ச்சி அலுவலர் பாக்யராஜ் வரவேற்று பேசினார். கூட்டத்திற்கு ஒன்றிய குழு தலைவர் மகாலட்சுமி வீரமணிகண்டன் தலைமை தாங்கினார். வட்டார வளர்ச்சி அலுவலர்கள் அமிர்தலிங்கம், விஸ்வநாதன் ஆகியோர் முன்னிலை வகித்தனர். ஒன்றிய கணக்கர் அரிய தங்கம் தீர்மானங்களை வாசித்தார். கூட்டத்தில் ஒன்றிய குழு உறுப்பினர்கள் பல்வேறு வளர்ச்சி திட்டங்கள் குறித்து விவாதித்தனர். இதில் பல்வேறு தீர்மானங்கள் நிறைவேற்றப்பட்டன. கூட்டத்தில் பல்வேறு துறை அலுவலர்கள் கலந்து கொண்டனர். முடிவில் துணை வட்டார வளர்ச்சி அலுவலர் குருநாதன் நன்றி கூறினார்.