தருமபுரியில்மாணவ, மாணவிகளுக்கான தடகளப் போட்டிகள்

தருமபுரி,-

தருமபுரி மாவட்டத்தில் முதல்-அமைச்சர் கோப்பைக்கான மாவட்ட அளவிலான கல்லூரி மாணவ மாணவியர்களுக்கு விளையாட்டு போட்டி நடந்து வருகிறது.

கல்லூரி மாணவிகளுக்கான சிலம்பம், கபடி, கூடைப்பந்து,டேபிள் டென்னிஸ், கைப்பந்து, கால்பந்து, இறகுபந்து, உள்ளிட்ட போட்டிகள் மாவட்ட விளையாட்டு அரங்கிலும், மாணவிகளுக்கான ஹாக்கி போட்டி தருமபுரி தனியார் பள்ளியிலும் நடக்கிறது.

கல்லூரி மாணவர்களுக்கான சிலம்பம், கபடி, கூடை பந்து, டேபிள் டென்னிஸ், கைப்பந்து, கால்பந்து, இறகு பந்து, போட்டிகள் நேற்று தருமபுரி மாவட்ட விளையாட்டு அரங்கில் நடைபெற்றது. மாணவிகளுக்கான நீச்சல் போட்டி நேற்று ராஜாஜி நீச்சல் குளத்தில் நடைபெற்றது.

மாணவர்கள் மற்றும் மாணவிகளுக்கான தடகளப் போட்டிகள் இன்று தருமபுரி மாவட்ட விளையாட்டு அரங்கில் நடக்கிறது.

மூன்று நாட்களாக நடைபெறும் இந்த போட்டிகளில் ஆயிரக்கணக்கான கல்லூரி மாணவ, மாணவிகள் பங்கேற்று வருகின்றனர்.