களக்காடு அருகே வீட்டின் பூட்டை உடைத்து நகை-பொருட்கள் திருட்டு

களக்காடு:

களக்காடு அருகே உள்ள திருக்குறுங்குடி வடக்கு மாடத்தெருவை சேர்ந்தவர் கோவிந்தராஜன்(வயது 66). இவர் கடந்த 13-ந்தேதி தனது குடும்பத்துடன் திருப்பதி கோவிலுக்கு சென்றிருந்தார்.

இந்நிலையில் நேற்று திரும்பி வந்த அவர் வீட்டுக்கு வந்து பார்த்தபோது முன்பக்க கதவு உடைந்து கிடந்தது. இதனால் அதிர்ச்சி அடைந்த அவர் உள்ளே சென்று பார்த்தபோது பீரோ உடைக்கப்பட்டு அங்கிருந்த தங்கநகை திருட்டு போயிருந்தது. மேலும் வெள்ளி மற்றும் பித்தளை பொருட்களையும் மர்மநபர்கள் திருடிச்சென்றனர்.

இதுதொடர்பாக அவர் திருக்குறுங்குடி போலீசில் புகார் அளித்தார். போலீசார் வழக்குப்பதிவு செய்து நகையை திருடி சென்ற மர்ம நபர்கள் குறித்து விசாரணை நடத்தி வருகின்றனர்.