உள்ளூர் செய்திகள்
அலகு காவடி எடுத்து வந்து பக்தர்கள் வழிபட்டனர்.
சொர்ணபுரீஸ்வரர் கோவிலில் தீமிதி திருவிழா
- விரதம் இருந்த பக்தர்கள் கோவில் முன் அமைக்கப்பட்டிருந்த குண்டத்தில் இறங்கி தீமிதித்து நேர்த்திக்கடன் செலுத்தினர்.
- தொடர்ந்து, பக்தர்கள் ரதக்காவடி எடுத்து வந்து வழிபட்டனர்.
நாகப்பட்டினம்:
நாகப்பட்டினம் மாவட்டம் வேளாங்கண்ணி அடுத்துள்ள தெற்குப்பொய்கை நல்லூரில் பழமை வாய்ந்த சொர்ணபுரீஸ்வரர் கோவில் அமைந்துள்ளது.
கோவிலில் வைகாசி திருவிழா காப்பு கட்டுதல் நிகழ்ச்சியுடன் துவங்கியது விழாவின் முக்கிய நிகழ்ச்சியான தீமிதி திருவிழா நடைபெற்றது. 100-க்கும் மேற்பட்ட விரதம் இருந்த பக்தர்கள் கோவில் முன் அமைக்கப்பட்டிருந்த தீக்குண்டத்தில் சக்தி கரகம் முன்னாள் செல்ல ஒன்றன்பின் ஒருவராக மிதித்து நேர்த்திக்கடன் செலுத்தினர்
இதைத்தொடர்ந்து ரதக்காவடி அலகு காவடி எடுத்து வந்தும் பக்தர்கள் நேர்த்திக்கடன் செலுத்தினர்.
இதில் சுற்றுவட்டார பகுதியைச் சேர்ந்த திரளான பக்தர்கள் கலந்து கொண்டு சுவாமி தரிசனம் செய்தனர். இதைத் தொடர்ந்து சிறுவர் சிறுமியர்களின் கோலாட்ட நிகழ்ச்சி நடை பெற்றது.