மேட்டூர் அணை நீர்மட்டம் 108 அடியாக உயர்ந்தது

சேலம்:

காவிரி நீர்ப்பிடிப்பு பகுதிகளில் தற்போது பரவலாக மழை பெய்து வருகிறது. இதன் காரணமாக கடந்த சில நாட்களாக மேட்டூர் அணைக்கு நீர்வரத்து அதிகரித்து காணப்படுகிறது.

இந்த நிலையில் நேற்று அணைக்கு வினாடிக்கு 8 ஆயிரத்து 355 கனஅடி தண்ணீர் வந்து கொண்டு இருந்த நிலையில் அது இன்று 7 ஆயிரத்து 545 கனஅடியாக குறைந்தது.

அணைக்கு வரும் தண்ணீரை விட குறைந்த அளவிலேயே தண்ணீர் திறக்கப்பட்டு வருவதால் அணையின் நீர்மட்டம் 108.68 அடியாக உயர்ந்தது. அணையில் இருந்து டெல்டா பாசனத்துக்கு வினாடிக்கு 1000 கனஅடியும், கிழக்கு, மேற்கு கால்வாய் பாசனத்துக்கு வினாடிக்கு 500 கனஅடியும் தண்ணீர் திறக்கப்பட்டு வருகிறது. தற்போது அணையில் 76.54 டி.எம்.சி. தண்ணீர் இருப்பு உள்ளது.