உள்ளூர் செய்திகள் (District)
அறிவியல் கண்காட்சியில் அந்தியூர் அரசு பள்ளி மாணவர்கள் சாதனை
- அறிவியல் கண்காட்சியில் அந்தியூர் அரசு பள்ளி மாணவர்கள் சாதனை படைத்துள்ளனர்
- இதில் பேட்டரி மூலம் இயங்கக்கூடிய வாகனத்தை எப்படி பொருத்துவது என்பதை மாணவர்கள் செய்து காட்டி னார்கள்.
அந்தியூர்,
உலக இளைஞர் திறன் தினத்தை முன்னிட்டு அந்தியூர் அரசு ஆண்கள் மேல்நிலைப்பள்ளியில் தொழிற்கல்வி மாணவர்கள் சார்பில் அறிவியல் கண்காட்சி நடைபெற்றது. இதில் பல்வேறு விதமான படைப்புகள் காட்சிக்கு வைக்கப்பட்டிருந்தது. இதில் பேட்டரி மூலம் இயங்கக்கூடிய வாகனத்தை எப்படி பொருத்துவது என்பதை மாணவர்கள் செய்து காட்டினார்கள். வெல்டிங் மற்றும் லேத் எந்திரம் பற்றிய செயல்முறை விளக்கம் மாணவர்களால் கொடுக்கப்பட்டது. சூரிய ஒளி மற்றும் காற்றாலை செயல்முறை விளக்கங்களும் மாணவர்களால் அளிக்கப்பட்டது. இந்நிகழ்ச்சிக்கு பள்ளி தலைமை ஆசிரியர் பானுமதி தலைமை தாங்கினார். தொழிற்கல்வி ஆசிரியர்கள் தேர்சாமி, பூவேந்திரன், நந்தகுமார், சரவணன் ஆகியோர் முன்னிலை வகித்தனர். விழா ஒருங்கிணைப்பாளர்களாக வேல் நம்பி மற்றும் சுதீஷ் செயல்பட்ட னர்.