கூட்டத்தில் கலந்து கொண்டவர்கள்.
மாரண்டஆள்ளியில் எருது விடும் சங்க ஆலோசனை கூட்டம்
- எருது விடும் சங்கத்தின் ஆலோசனை கூட்டம் நடைபெற்றது.
- பல்வேறு தீர்மானங்கள் நிறைவேற்றப்பட்டன .
மாரண்டஅள்ளி,
தருமபுரி மாவட்டம், மாரண்டஅள்ளியில் உள்ள பெரியாண்டிச்சி அம்மன் கோவில் வளாகத்தில் ஒருங்கிணைந்த எருது விடும் சங்கத்தின் ஆலோசனை கூட்டம் சங்கத் தலைவர் வன்னிய பெருமாள் தலைமையில் நடைபெற்றது.
இந்த கூட்டத்தில் செயலாளர்கள் வெற்றிவேல், துணைத் தலைவர் கணேசன், துணை செயலாளர் சித்தராஜ், பூமணி, பொருளாளர் குண்டப்பன், ஆகியோர் முன்னிலை வகித்தனர்.
இந்த ஆலோசனை கூட்டத்தில் தற்போது மாடுகளுக்கு கோமாரி நோய் மற்றும் பெரியம்மை நோய், வேகமாக பரவி வருகிறது. மாவட்டத்தில் அனைத்து கிராம பகுதிகளிலும் போர்க்கால அடிப்படையில் மருத்துவ முகாம் அமைக்க வேண்டும். கிராமத்தை ஒட்டி உள்ள வனப்பகுதிக்குள் மேய்ச்சலுக்காக கால்நடைகளை அழைத்துச் செல்லும் விவசாயிகளை வனத்துறையினர் மிரட்டி வருவதை கைவிட வேண்டும். வரும் பொங்கல் பண்டிகை ஒட்டி கிராமங்களில் நடைபெறும் கோவில் திருவிழாக்களில் எருது நிகழ்ச்சியை மாவட்ட நிர்வாகம் அனுமதி வழங்க வேண்டும் உள்ளிட்ட பல்வேறு தீர்மானங்கள் நிறைவேற்றப்பட்டன .
இதில் மாவட்ட செயற்குழு உறுப்பினர்கள் வேலு, முரளி, சண்முகம், லோகநாதன், ராஜ், மகேஷ், சிவன், மற்றும் நிர்வாகிகள் நூற்றுக்கும் மேற்பட்டோர் கலந்து கொண்டனர்.