நள்ளிரவில் வீடு புகுந்து பெண்ணிடம் நகை பறிப்பு
- மர்ம நபர்கள் பெண்ணின் கழுத்தில் கிடந்த 6 பவுன் தங்க நகையை பறித்தனர்.
- போலீசார் கொள்ளை சம்பவம் குறித்து விசாரணை நடத்தி வருகின்றனர்.
தரங்கம்பாடி:
மயிலாடுதுறை மாவட்டம் தரங்கம்பாடி தாலுகா அன்னவாசல் ஊராட்சி கழனிவாசல் மெயின் ரோட்டை சேர்ந்தவர் சோமசுந்தரம் (வயது 58) விவசாயி.
இவரது மனைவி அருள்செல்வி (55). இவர்களுக்கு 2 மகன்கள் உள்ளனர்.
இந்நிலையில் வழக்கம்போல இரவு வீட்டின் கதவை சாத்தி விட்டு அறையில் தூங்கி கொண்டிருந்தனர்.
அப்போது வீட்டில் வாசல் கதவு வழியாக வீட்டிற்க்குள் வந்த மர்ம நபர்கள் அருள்செல்வி கழுத்தில் கிடந்த சுமார் 6 பவுன் தங்க நகையை பறித்தனர்.
இதனால் அருள்செல்வி எழுந்து திருடன், திருடன் என சத்தம் போட்டார்.
அவரது சத்தம் கேட்டு அக்கம் பக்கத்தினர் விரைந்து வந்தனர், ஆனால் அதற்குள் மர்மநபர்கள் தப்பியோடி விட்டனர்.
இது குறித்து தகவல் அறிந்ததும் சம்பவ இடத்திற்கு வந்த குத்தாலம் போலீஸ் இன்ஸ்பெக்டர் மற்றும் போலீசார் கொள்ளை சம்பவம் குறித்து விசாரணை நடத்தி வருகின்றனர்.
அருள்செல்வியின் கழுத்தில் லேசானகாயம் உள்ளது. இந்த சம்பவம் அப்பகுதியில் பெரும் பரபரப்பு ஏற்படுத்தி உள்ளது.