திருநறையூர் ராமநாதசாமி கோவிலில் ஜப்பான் நாட்டினர் வழிபாடு

சுவாமிமலை:

கும்பகோணம் அருகே திருநறையூரில் பருவதவர்த்தினி சமேத ராமநாதசாமி கோவில் உள்ளது. இங்கு சனி பகவான் மந்தாதேவி, ஜேஷ்டா தேவி ஆகிய இரு மனைவியுடன் மாந்தி குளிகன் இரு புதல்வர்களுடன் குடும்ப சமேதராய் அருள்பாலிக்கிறார். இக்கோவிலில் தினமும் குளிகை காலத்தில் சனி பகவானுக்கு சிறப்பு அபிஷேகங்கள், கூட்டு வழிபாடு ஆராதனைகள் நடைபெறுகிறது.

இந்நிலையில், நேற்று ஜப்பான் நாட்டை சேர்ந்த இரு குடும்பத்தினர்கள் சனி பகவானுக்கு அபிஷேகங்கள் செய்து சிறப்பு வழிபாடு நடத்தினர்.

சனி பகவானுக்கு சிறப்பு விசேஷ பூஜைகளை அர்ச்சகர் ஞானசேகர சிவாச்சாரியார் செய்தார். சிறப்பு தரிசன ஏற்பாடுகளை கோவில் நிர்வாக அதிகாரி பிரபாகரன் மற்றும் பணியாளர்கள் செய்திருந்தனர்.