உள்ளூர் செய்திகள்
கோப்பு படம்
கம்பத்தில் தனியார் துறை சார்பில் வேலை வாய்ப்பு முகாம்
- 4-ந் தேதி கம்பத்தில் உள்ள தனியார் கல்லூரியில் வேலை வாய்ப்பு முகாம் நடைபெற உள்ளது.
- முகாமில் பங்கேற்க எந்தவித கட்டணமும் இல்லை என்று கலெக்டர் ஷஜீவனா தெரிவித்துள்ளார்.
தேனி:
தேனி மாவட்ட வேலை வாய்ப்பு மற்றும் தொழில்நெறி வழிகாட்டு மையம் மற்றும் மாவட்ட ஊரக, நகர்ப்புற வாழ்வாதார இயக்கம் சார்பில் வருகிற 4-ந் தேதி கம்பத்தில் உள்ள தனியார் கல்லூரியில் வேலை வாய்ப்பு முகாம் நடைபெற உள்ளது.
150க்கும் மேற்பட்ட தனியார் துறை நிறுவனங்கள் கலந்து கொண்டு வேலை தேடுபவர்களை தேர்வு செய்ய உள்ளனர். 8ம் வகுப்பு முதல் பட்டப்படிப்பு வரை மற்றும் பி.இ. டிப்ளமோ, நர்சிங் டெய்லரிங், டிரைவர் மற்றும் இதர தகுதி உடைய அனைவரும் இம்முகாமில் கலந்து கொள்ளலாம். முகாமில் பங்கேற்க எந்தவித கட்டணமும் இல்லை என்று கலெக்டர் ஷஜீவனா தெரிவித்துள்ளார்.