கன்னியாகுமரியில் வீடு புகுந்து மோட்டார் சைக்கிள் திருட்டு

கன்னியாகுமரி:

கன்னியாகுமரி அருகே உள்ள வடக்கு குண்டல் பகுதியைச் சேர்ந்தவர் ஜார்ஜ் மைக்கேல் (வயது 55). இவர் தனக்கு சொந்தமான மோட்டார் சைக்கிளை நேற்று இரவு தனது வீட்டு காம்பவுண்டுக்குள் நிறுத்தி இருந்தார்.

இன்று அதிகாலை அவர் எழுந்து வீட்டுக்கு வெளியே வந்து பார்த்தபோது அங்கு வைத்து இருந்த மோட்டார் சைக்கிளை காணவில்லை. இதைக் கண்டு அவர் அதிர்ச்சி அடைந்தார். யாரோ சில மர்ம ஆசாமிகள் வீட்டின் காம்பவுண்டு கேட் பூட்டை உடைத்து உள்ளே புகுந்து மோட்டார் சைக்கிளை திருடி சென்றது தெரியவந்தது.

இதுகுறித்து அவர் கன்னியாகுமரி போலீசில் புகார் செய்தார். அதன் பேரில் கன்னியாகுமரி போலீசார் வழக்கு பதிவு செய்து மோட்டார் சைக்கிளை திருடி சென்ற மர்ம ஆசாமியை தேடி வருகின்றனர்.