மருத்துவமனையில் 2 நாள் செஸ் போட்டி

கரூர்:

கரூர அரசு மருத்துவக் கல்லூரி, மருத்துவமனையில் 2 நாள் செஸ் போட்டி தொடங்கியது. மாமல்லபுரத்தில் நடைபெறும் 44வது சர்வதேச சதுரங்க ஒலிம்பியாட் போட்டியையொட்டி விழிப்புணர்வு ஏற்படுத்தும் விதமாக கரூர் அரசு மருத்துவக் கல்லூரி, மருத்துவமனையில் 2 நாள் சதுரங்க போட்டி நேற்று தொடங்கியது. இதில் 14 மருத்துவர்கள், மருத்துவக் கல்லூரி மாணவ, மாணவிகள் 70 பேர், செவிலியர்கள், பணியாளர்கள்- 16 என 100 பேர் பங்கேற்ற போட்டி மூன்று கட்டங்களாக நேற்று நடைபெற்றது. அரசு மருத்துவக் கல்லூரி, மருத்துவமனை முதல்வர் ரா.முத்துசெல்வன் தெரிவித்ததாவது, மருத்துவர்கள், மருத்துவக் கல்லூரி மாணவ, மாணவிகள், பணியாளர்கள் மற்றும் செவிலியர்கள் என 3 பிரிவுகளாக போட்டிகள் நடைபெற்றன, இரு நாட்கள் நடைபெறும் இப்போட்டியில் வெற்றிபெற்றவர்கள் 2வது நாளாக நடைபெறும் போட்டியில் பங்கேற்கின்றனர். இதில் வெற்றி பெறுபவர்களுக்கு அரசு மருத்துவக் கல்லூரி, மருத்துவமனை சார்பில் பரிசு, சான்றிதழ்கள் வழங்கப்படும் என்றார்.