வாழைப்பழ வியாபாரியை மிரட்டி பணம் பறிப்பு

கரூர்:

லாலாப்பேட்டை அருகே, சிந்தலவாடி, கீழவிட்டுக்கட்டி பகுதியை சேர்ந்தவர் சரவணன் (வயது55). வாழைப்பழ வியாபாரியான இவர், கருப்புத்துார் சிவன் கோவில் அருகே சென்று கொண்டிருந்தார். அப்போது திருச்சி மாவட்டம், புலிவலம், குடிதெருவை சேர்ந்த துரைராஜ் என்பவர் சரவணனின் கழுத்தில் கத்தியை வைத்து மிரட்டி அவரது பாக்கெட்டில் இருந்த 1,500 ரூபாய் மற்றும் வாட்ச் ஆகியவற்றை பறித்துக்கொண்டு தப்பி சென்றுவிட்டார். இதையடுத்து சரவணன் அளித்த புகாரின்படி லாலாப்பேட்டை போலீசார் விசாரிக்கின்றனர்.