தொடர்ந்து திருடு போகும் இரு சக்கர வாகனங்கள்

கரூர்:

கரூர் அருகே, எஸ். சணப்பிரட்டி பகுதியைச் சேர்ந் தவர் மணிகண்டன் (வயது 26) டிரைவரான இவர், கடந்த, 26-ந் தேதி பூ மார்க்கெட் பகுதியில் தனது பைக்கை நிறுத் தியிருந்தார். சிறிது நேரம் கழித்து சென்று பார்த்தபோது, பைக் காணவில்லை. இதேபோல கரூர், வெங்கமேடு, சத்தியமூர்த்தி நகர் பகுதியைச் சேர்ந்தவர் சுப்பிரமணியன்( 60). கொசுவலை நிறுவனத்தில் வேலை செய்து வருகிறார். இவர் கடந்த, 28-ந் தேதி கரூர், உழவர் சந்தை முன், தனது பைக்கை நிறுத்தியிருந்தார். அவரது பைக்கையும் மர்ம நபர்கள் திருடிச் சென்றனர். இது குறித்து இருவரும் அளித்த புகாரின் பேரில் கரூர் டவுன் போலீசார் வழக்கு பதிவு செய்து விசாரணை நடத்தி வருகின்றனர்.