திருமணமான பெண் திடீர் மாயம்

தருமபுரி,

தருமபுரி அருகேயுள்ள பாலக்கோடு வெலாம்பட்டியை சேர்ந்தவர் ஆனந்தன். இவரது சகோதரி பவித்ரா (வயது 31).

இவருக்கும் கடமடை பகுதியை சேர்ந்த மத்திய போலீஸ் படை வீரர் பெருமாள் என்பவருக்கும் கடந்த 12 வருடங்களுக்கு முன் திருமணம் நடந்து. ஒரு ஆண் குழந்தை, ஒரு பெண் குழந்தை உள்ளனர்.

இந்நிலையில் கணவன், மனைவி இடையே ஏற்பட்ட கருத்து வேறுபாட்டால் கடந்த ஐந்து வருடமாக தாய் வீட்டில் வசித்து வருகிறார்.

கடந்த 24-ந்தேதி வீட்டை விட்டு சென்ற பவித்ரா அதன்பிறகு வீடு திரும்பவில்லை. இதுகுறித்து அவரது தம்பி ஆனந்தன் கொடுத்த புகாரின்பேரில் மகேந்திர மங்கலம் போலீசார் வழக்கு பதிவு செய்து விசாரித்து வருகின்றனர்.