உடன்குடி அருகே நடுநிலைப்பள்ளி ஆண்டு விழா

உடன்குடி:

உடன்குடி அருகே உள்ளசிறுநாடார் குடியிருப்பு ரா.ம.வீ நடுநிலைப்பள்ளி ஆண்டு விழா நடைபெற்றது. பள்ளிச் செயலாளர் ராஜன் தலைமை தாங்கி போட்டிகளில் வெற்றி பெற்ற மாணவ -மாணவிகளுக்கு பரிசுகள் வழங்கி வாழ்த்தி பேசினார். முன்னாள் மாணவரும், முன்னாள் பொறியாளருமான குணபாலன் மற்றும் பள்ளி குழு துணை தலைவர் கணேசன் ஆகியோர் முன்னிலை வகித்து உரையாற்றினார். திறனாய்வு தேர்வில் வெற்றி பெற்ற 4 மாணவர்களுக்கும், 8-ம் வகுப்பில் முதலிடம் பிடித்த 2 மாணவர்களுக்கும் ரொக்கப்பரிசு வழங்கப்பட்டது. தலைமை ஆசிரியை பர்வதா தேவி ஆண்டறிக்கை வாசித்தார்.

கடலாடி அரசு மேல்நிலைப்பள்ளி பட்டதாரி ஆசிரியர் ஜெயராஜ் மற்றும் தமிழக ஆசிரியர் கூட்டணி திருச்செந்தூர் மாவட்ட பொருளாளரும், வாகவிளைதலைமை ஆசிரியருமான பெருமாள் வாழ்த்துரை வழங்கினார். விழாவில் சிறுநாடார் குடியிருப்பு ஊராட்சி மன்ற தலைவி கமலம் சிறப்பு அழைப்பாளராக கலந்து கொண்டு சிறப்புரை ஆற்றினார். பள்ளி மாணவர்களின் கலை நிகழ்ச்சிகள் நடைபெற்றது. ஆசிரியை ஜெயசுதா நன்றி கூறினார்.