கோவில்பட்டி நேஷனல் பொறியியல் கல்லூரியில் தேசிய மகளிர் தின கொண்டாட்டம்

கோவில்பட்டி:

நேஷனல் பொறியியல் கல்லூரியின் தேசிய மாணவர் படை சார்பாக தேசிய மகளிர் தினத்தை முன்னிட்டு 'பெண்களின் அதிகாரம் மற்றும் பாதுகாப்பு' எனும் தலைப்பில் விழிப்புணர்வு நிகழ்ச்சி கல்லூரி வளாகத்தில் நடைபெற்றது.

தூத்துக்குடி மண்டல ஜூனியர் ஜேசி பயிற்சியாளர் எஸ்.ஜூஆனா கோல்டி சிறப்பு விருந்தினராக கலந்து கொண்டு பேசும்போது, பெண்கள் தம் செயல்களை கால நிர்ணயப்படி 'தேவை, தேவையற்றவை, முக்கியம், முக்கியமற்றவை" என 4 பிரிவுகளாக பிரித்து அதனை செயல்படுத்த வேண்டும் என்றும், பெண்கள் நாட்டின் கண்கள் என்பதை யாரும் மறந்துவிடக்கூடாது என்பதனையும், பெண்கள் முன்னேற்றமே வீட்டையும் நாட்டையும் மேன்மையடையச் செய்யும் என்பதையும் அழகாக எடுத்துரைத்தார்.

தமிழ்நாடு தீயணைப்பு மற்றும் மீட்பு சேவை அதிகாரி இசக்கி ராஜன் பெண்கள் பாதுகாப்பு குறித்து எடுத்துக்காட்டோடு எடுத்துரைத்தார். மேலும், அவர் பேரிடர் மற்றும் ஆபத்து காலங்களில் பெரும் குரல் கொடுத்தும், அவசர கால உதவி எண் 112-ஐ பயன்படுத்திக்கொள்ள வேண்டும் என்றும் கூறினார்.

முன்னதாக, மாணவி செண்பகலட்சுமி வரவேற்றார், மாணவி எஸ்.சோபியா சிறப்பு விருந்துனரை அறிமுகம் செய்தார். மாணவி ஸ்வேதா நன்றி கூறினார்.

இந்நிகழ்ச்சிக்கான ஏற்பாடு களை கல்லூரி தாளாளர் கே.ஆர்.அருணாச்சலம், கல்லூரி இயக்குனர் எஸ்.சண்முகவேல், கல்லூரி முதல்வர் கே.காளிதாச முருகவேல் ஆகியோர்களின் ஆலோசனையின் படி தேசிய மாணவர் படை அதிகாரிகள் கேப்டன் என்.பி.பிரகாஷ், லெப்டினன்ட் ஜி.ஆர்.ஹேமலட்சுமி மற்றும் தேசிய மாணவர் படை மாணவ- மாணவிகள் செய்திருந்தனர்.