அமைப்பு சாரா நலவாரியத்தில் பதிவு செய்த டிரைவர்களுக்கு பாதுகாப்பு உபகரண பெட்டகம் வினியோகம்

சேலம்:

சேலம் தொழிலாளர் உதவி ஆணையர் (சமூக பாதுகாப்புத் திட்டம் வெளியிட்டுள்ள செய்திக்குறிப்பில் கூறியிருப்பதாவது:-

சேலம், தொழிலாளர் உதவி ஆணையர் (சமூக பாதுகாப்புத் திட்டம்) அலுவலகத்தில், அமைப்புசாரா ஓட்டுநர்கள் நல வாரியத்தில் பதிவு செய்து புதுப்பித்தல் நடைமுறையில் உள்ள தொழிலாளர்களுக்கு சீருடை, ஷூ மற்றும் முதலுதவிப் பெட்டி அடங்கிய பாதுகாப்பு உபகரணப் பெட்டகம் வழங்கப்பட்டு வருகிறது.

இதுவரை பாதுகாப்பு பெட்டகம் பெறாத ஆட்டோ ஓட்டுநர்கள் அசல்பதிவு அட்டை, ஆதார் அட்டை மற்றும் வங்கி கணக்கு புத்தக நகலுடன் சேலம், ஏற்காடு மெயின் ரோடு, கோரிமேடு, மாவட்ட வேலைவாய்ப்பு அலுவலகம் அருகில் உள்ள தொழிலாளர் உதவி ஆணையர் (சமூக பாதுகாப்புத் திட்டம்) அலுவலகத்தை அணுகி பெற்றுக் கொள்ளலாம்.

மேலும், பதிவு புதுப்பித்தல் இல்லாத தொழிலாளர்கள் உடனடியாக இணையவழியில் பதிவை புதுப்பித்தல் செய்தபின், பாதுகாப்பு பெட்டகம் பெற்றுக் கொள்ளலாம். இவ்வாறு அவர் கூறியுள்லார்.