இந்திய யூனியன் முஸ்லிம் லீக் ஆர்ப்பாட்டம்

நெற்குப்பை

சிவகங்கை மாவட்டம் திருப்பத்தூரில் இந்திய யூனியன் முஸ்லிம் லீக் சார்பாக 5 அம்ச கோரிக்கையை வலியுறுத்தி கவன ஈர்ப்பு ஆர்ப்பாட்டம் நடந்தது. மாவட்ட தலைவர் ஹைதர் அலி அம்பலம் தலைமை வகித்தார்.

மாவட்ட நிர்வாகிகள் பிலால், அப்துல் கபூர், பகுசியா முன்னிலை வகித்தனர். காஜாமைதீன் ஆலிம் கிராத் ஓதி தொடங்கி வைத்தார். மாவட்ட செயலாளர் இனாயத்துல்லா வரவேற்றார். திருப்பத்தூர் நகரில் தமிழர்களின் மொழி, பண்பாடு, மத நல்லிணக்கம் பாதுகாக்கும் வகையில் அண்ணா அறிவாலயம் ஏற்படுத்துதல், "உங்கள் தொகுதியில் மு.க.ஸ்டாலின்" என்ற பிரசாரத்தில் பெறப்பட்ட மனுக்களை பரிசீலித்து பாதிக்கப்பட்ட நபருக்கு நீதி கிடைக்க வழிவகை செய்ய வேண்டும் உள்ளிட்ட 5 அம்ச கோரிக்கைகளை தமிழக அரசு நிறைவேற்றி தர ஆர்ப்பாட்டத்தில் தீர்மானங்களாக நிறைவேற்றப்பட்டது.

இதில் தி.மு.க., காங்கிரஸ், கம்யூனிஸ்டு, மனிதநேய மக்கள் கட்சி, போன்ற பல்வேறு கட்சி நிர்வாகிகள் என 100-க்கும் மேற்பட்டோர் பங்கேற்றனர். வழக்கறிஞர் முகமது மணிப்புறா நன்றி கூறினார்.