விளையாட்டு போட்டிகளில் தருமபுரி தொன் போஸ்கோ கல்லூரி மாணவர்கள் சாதனை

தருமபுரி,

சேலம் பெரியார் பல்கலைக்கழகத்தில் கடந்த 2022- 23 ஆம் கல்வி ஆண்டில் நடைபெற்ற கல்லூரிகளுக்கு இடையேயான விளையாட்டுப் போட்டிகளில் வெற்றிப் பெற்ற அணிகளுக்கு வெற்றிக்கோப்பை வழங்கும் நிகழ்ச்சி நடைபெற்றது. இதில் துணைவேந்தர் ஜெகநாதன் அவர்கள் தலைமை வகித்தார்.

இதனையடுத்து ஹாக்கி, கால்பந்து, சதுரங்கம் ஆகிய போட்டிகளில் முதலிடம் பெற்றதற்கான வெற்றி கோப்பைகளையும், கையுந்துப் பந்து இரண்டாம் இடம் பெற்றதற்கான வெற்றி கோப்பையையும், இறகுப்பந்து மூன்றாம் இடம் பெற்றதற்கான வெற்றிக்கோப்பை உள்ளிட்ட கோப்பைகளைக் கல்லூரி சார்பில் முதல்வர் ஆஞ்சலோ ஜோசப், துணைவேந்தர் அவர்களிடமிருந்து பெற்றுக் கொண்டார். வெற்றிப் பெற்ற மாணவர்கள் மற்றும் உடற்கல்வி இயக்குனர் சேவியர் டெனிஸ் ஆகியோரைக் கல்லூரிச் செயலர் ராபர்ட் ரமேஷ் பாபு, துணைமுதல்வர் பாரதி பெர்னாட்ஷா, பொருளாளர் அந்தோணி பாப்புராஜ் மற்றும் பேராசிரியர்கள் பாராட்டினர்.