உடன்குடி பள்ளியில் சாதனை படைத்த மாணவர்கள்

உடன்குடி:

அண்மையில் நடைபெற்ற 2022-23-ம் கல்வி ஆண்டில் தேசிய வருவாய் வழித்திறனாய்வு தேர்வில் உடன்குடி தேரியூர் ஸ்ரீ ராமகிருஷ்ணா சிதம்பரேஸ்வரர் பள்ளி மாணவர்கள் 3 பேர் வெற்றி பெற்றனர். இப்பள்ளியை சேர்ந்த சு.சுபிதா, வீ.பிருந்தா, மு.மணிகண்டன் ஆகியோருக்கு மாதம் தோறும் மத்திய அரசு சார்பில் ரூ.1000 வீதம் 4 ஆண்டுகளுக்கு வழங்கப்படும்.சாதனை படைத்த மாணவர்களை பள்ளி செயலர் ஸ்ரீமத் சுவாமி அத்யாத்மானந்தர், பள்ளி பெற்றோர் ஆசிரியர் சங்க தலைவர் வி.பி.ஜெயக்குமார், பள்ளி அபிவிருத்திக்குழு தலைவர் சிவமுருகன் ஆதித்தன், தலைமையாசிரியர் விங்கேஸ்வரன், உடன்குடி ஊராட்சி ஓன்றியக்குழு உறுப்பினர் மகாராஜா, செட்டியாபத்து ஊராட்சி மன்ற தலைவர் பாலமுருகன், பள்ளி முன்னாள் மாணவர் சங்க நிர்வாகிகள் ஜீவானந்தம், விஜய லிங்கம், சுயம்பு மற்றும் ஆசிரியர்கள் பாராட்டினர்.