உள்ளூர் செய்திகள்
தங்கம் விலை சவரனுக்கு ரூ.560 குறைந்தது
- சென்னையில் இன்று ஆபரணத்தங்கத்தின் விலை சவரனுக்கு ரூ.560 குறைந்தது.
- ஒரு கிராம் தங்கம் ரூ.5,165-க்கும் ஒரு சவரன் ரூ.41,320-க்கும் விற்பனையாகிறது.
சென்னை:
தங்கத்தின் விலை கடந்த சில தினங்களாக ஏற்றமும் இறக்கமுமாக காணப்பட்டு வருகிறது. இந்நிலையில் ஆபரணத்தங்கத்தின் விலை இன்று சவரனுக்கு ரூ.560 குறைந்து ஒரு சவரன் ரூ.41,320-க்கு விற்பனையாகிறது. நேற்று ரூ.5,235-க்கு விற்பனையான ஒரு கிராம் தங்கம் இன்று ரூ.5,165-க்கு விற்பனையாகிறது.
வெள்ளி விலையும் இன்று குறைந்துள்ளது. ஒரு கிராம் ரூ.67.50-க்கும், ஒரு கிலோ வெள்ளி ரூ.67,500-க்கும் விற்பனையாகிறது.
தங்கத்தின் விலை தொடர்ந்து மூன்று நாட்களாக குறைந்து வருவதால் இல்லத்தரசிகள் மகிழ்ச்சி அடைந்துள்ளனர்.