மண்ணிவாக்கத்தில் கத்தி முனையில் கடைக்காரரிடம் பணம் பறிப்பு

ஓட்டேரி:

செங்கல்பட்டு மாவட்டம் மண்ணிவாக்கம் மேட்டு தெருவை சேர்ந்தவர் சிங்காரவேலன் (வயது 31). இவர் அதே பகுதியில் மளிகை கடை வைத்து வியாபாரம் செய்து வருகிறார். இந்த நிலையில் நேற்று முன்தினம் 4 பேர் கொண்ட கும்பல் மளிகை கடைக்கு பொருட்கள் வாங்குவது போல் வந்து திடீரென மறைத்து வைத்திருந்த கத்தியை காட்டி மிரட்டி சிங்காரவேலனிடமிருந்து ஆயிரம் பணத்தை பறித்து கொண்டு அங்கிருந்து 4 பேரும் தப்பி ஓடி விட்டனர்.

இது குறித்து சிங்காரவேலன் ஓட்டேரி போலீசில் புகார் செய்தார். போலீசார் வழக்குப்பதிவு மளிகை கடைக்காரரிடம் கத்தியை காட்டி பணத்தை பறித்த 4 பேர் கொண்ட கும்பலை வலைவீசி தேடி வருகின்றனர். இந்த சம்பவம் அப்பகுதியில் பெரும் பரபரப்பு ஏற்படுத்தி உள்ளது.