விடுதலை சிறுத்தைகள் கட்சி தலைவர் திருமாவளவன் முன்னிலையில் ஆர்.ஆர். முத்தையன் கட்சியில் இணைந்த காட்சி.
அகில இந்திய பிரியங்கா ராகுல் காந்தி பேரவையின் மாநிலத்தலைவர் ஆர்.ஆர்.முத்தையன் விடுதலை சிறுத்தைகள் கட்சியில் இணைந்தார்
- திருமாவளவன் முன்னிலையில் ஆர்.ஆர். முத்தையன் அந்தக் கட்சியில் இணைந்தார்.
- திருமாவளவன் சால்வை அணிவித்து வரவேற்றார்.
திருப்பூர் :
அகில இந்திய பிரியங்கா ராகுல் காந்தி பேரவையின் மாநில தலைவர் ஆர்.ஆர்.முத்தையன். இவர் நேற்று அந்த அமைப்பில் இருந்து விலகி, விடுதலை சிறுத்தைகள் கட்சியில் இணைந்தார்.
திருப்பூர் திருமுருகன்பூண்டியில் இன்று நடைபெற்ற நிகழ்ச்சியில் பங்கேற்க வந்த விடுதலை சிறுத்தைகள் கட்சி தலைவர் திருமாவளவன் முன்னிலையில் ஆர்.ஆர். முத்தையன் அந்தக் கட்சியில் இணைந்தார். அவருடன் அகில இந்திய பிரியங்கா ராகுல்காந்தி பேரவை மாவட்ட நிர்வாகிகள் சிவஞானம், பார்த்தீபன் உள்ளிட்டோரும் விடுதலை சிறுத்தைகள் கட்சியில் தங்களை இணைத்து கொண்டனர். ஆர்.ஆர்.முத்தையன் தலைமையில் கட்சியில் புதிதாக சேர்ந்தவர்களை தலைவர் திருமாவளவன் சால்வை அணிவித்து வரவேற்றார். அப்போது விடுதலை சிறுத்தைகள் கட்சியின் மாநில துணை பொதுச்செயலாளர் துரைவளவன், மாவட்ட செயலாளர் தமிழ்வேந்தன் உள்பட மாநில, மாவட்ட நிர்வாகிகள் உடன் இருந்தனர்.