பவுர்ணமியையொட்டி மகாலட்சுமி கோவிலில் குத்துவிளக்கு பூஜை

திருப்பூர் :

திருப்பூர் தாராபுரம் ரோடு பொல்லிகாளிபாளையத்தில் பிரசித்தி பெற்ற மகாலட்சுமி கோவில் உள்ளது. அங்கு பவுர்ணமி, அமாவாசை நாட்களிலும், வெள்ளி மற்றும் ஞாயிற்றுக்கிழமைகளிலும் சிறப்பு பூஜை நடைபெறுவது வழக்கம். இந்த நிலையில் இந்த மாத பவுர்ணமியையொட்டி கோவிலில் மகாலட்சுமிக்கு சிறப்பு அபிஷேக, அலங்கார பூஜை நடைபெற்றது. மேலும் அங்கு நடைபெற்ற சிறப்பு குத்துவிளக்கு பூஜையில் சுற்று வட்டாரத்தை சேர்ந்த பக்தர்கள் கலந்து கொண்டனர்.

இதில் கலந்து கொண்ட பக்தர்களுக்கு மகான் ஸ்ரீ மகாலட்சுமி சுவாமிகள் ஆசி வழங்கினார். முடிவில் அனைவருக்கும் அன்னதானம் வழங்கப்பட்டது.