ஜம்மு காஷ்மீர் சட்டசபைத் தேர்தல்: தேர்தல் பொறுப்பாளர்களை நியமித்தது பா.ஜ.க.

ஸ்ரீநகர்:

ஜம்மு காஷ்மீர் சட்டசபைக்கான தேர்தல் அறிவிப்பை தலைமை தேர்தல் ஆணையம் சமீபத்தில் அறிவித்தது.

மொத்தம் 90 இடங்களைக் கொண்ட ஜம்மு காஷ்மீர் சட்டசபைக்கு செப்டம்பர் 18, 25 மற்றும் அக்டோபர் 1 என 3 கட்டமாக தேர்தல் நடத்தப்படும் என தேர்தல் ஆணையம் தெரிவித்தது.

அங்கு, முதல் கட்டமாக 24 தொகுதிகளுக்கான தேர்தல் செப்டம்பர் 18-ம் தேதி நடக்கிறது. இதையடுத்து அரசியல் கட்சிகள் பிரசார வேலைகளைத் தொடங்கியுள்ளன.

இந்நிலையில், ஜம்மு காஷ்மீரில் தேர்தல் பொறுப்பாளர்களாக முன்னாள் பொதுச்செயலாளரான ராம் மாதவ் மற்றும் மத்திய மந்திரி கிஷண் ரெட்டி ஆகியோரை பா.ஜ.க. தலைவர் ஜே.பி.நட்டா நியமனம் செய்துள்ளார்.