மும்பையில் பெண் மருத்துவருக்கு பாலியல் துன்புறுத்தல்.. நோயாளியும் உறவினர்களும் தப்பி ஓட்டம்

மகாராஷ்டிர மாநிலம் மும்பையில் உள்ள மருத்துவமனையில் பெண் மருத்துவரிடம் 6 பேர் கொண்ட கும்பல் ஒன்று பாலியல் சீண்டலில் ஈடுபட்ட சம்பவம் அதிர்ச்சியை ஏற்படுத்தியுள்ளது. மும்பையில் உள்ள சியான் [Sion Hospital] மருத்துவமனையில் இன்று அதிகாலை 3.30 மணியளவில் முகத்தில் காயங்களுடன் வந்த நபர் ஒருவருக்கு பணியிலிருந்த பெண் மருத்துவர் சிகிச்சை அளித்துக் கொண்டிருந்தார்.

காயங்களுடன் வந்த நபரும் அவருடன் வந்த மற்ற உறவினர்கள் 5 பேறும் குடிபோதையில் இருந்துள்ளனர். சிகிச்சையளித்துக் கொண்டிருந்த மருத்துவரிடம் அவர்கள் 6 பேறும் பாலியல் ரீதியாக அத்துமீற முயன்றுள்ளனர். அவர்களிடம் இருந்து தன்னை தற்காத்துக் கொள்ளும் முயற்சியில் பெண் மருத்துவருக்குக் காயங்கள் ஏற்பட்டுள்ளது. உடனே அந்த இடத்திலிருந்து அவர்கள் 6 பேரும் தப்பிச் சென்று விட்டனர். இதுதொடர்பாக பாதிக்கப்பட்ட பெண் மருத்துவர் போலீசில் புகார் அளித்துள்ளார்.

கல்கத்தாவில் RG கர் மருத்துவமனையில் பயிற்சி பெண் மருத்துவர் பாலியல் வன்கொடுமை செய்யப்பட்டு கொலை செய்யப்பட்ட சம்பவம் நாடு முழுவதும் பரபரப்பை ஏற்படுத்திவரும் விலையில் மருத்துவர்களின் பாதுகாப்பை உறுதி செய்ய அரசை வலியுறுத்தி போராட்டங்கள் நடந்து வருகிறது. மருத்துவர்கள் வேலை நிறுத்தத்தால் நேற்று முழு தினமும் மருத்துவ சேவைகள் ஸ்தாபித்தன. இந்நிலையில் மும்பையில் பெண் மருத்துவர் இரவு டியூட்டியின்போது பாலியல் துன்புறுத்தலுக்கு ஆளான சம்பவம் மருத்துவர்களிடையே அச்சத்தை ஏற்படுத்தியுள்ளது.