டெல்லி காய்கறி சந்தையில் விலைவாசி உயர்வு குறித்து பொதுமக்களிடம் கேட்டறிந்த ராகுல் காந்தி

மக்களவை எதிர்க்கட்சி தலைவர் ராகுல் காந்தி அவ்வப்போது பொதுமக்களையும் வியாபாரிகளையும் சந்தித்து பேசி வருகிறார்.

அதன்படி கடந்த 10 ஆம் தேதி டெல்லியில் உள்ள மளிகை கடை வியாபாரிகளை சந்தித்து அவர்களது குறைகளை ராகுல்காந்தி கேட்டறிந்தார்.

இந்நிலையில், இன்று டெல்லியில் உள்ள கிரி நகர் காய்கறி சந்தைக்கு சென்ற ராகுல் காந்தி விலைவாசி உயர்வு குறித்து பொதுமக்களின் குறைகளை கேட்டறிந்தார்.

இது தொடர்பான வீடியோவை தனது எக்ஸ் பக்கத்தில் ராகுல் காந்தி பகிர்ந்துள்ளார். அந்த பதிவில், "ஒருகாலத்தில் 40 ரூபாயாக இருந்த பூண்டின் விலை தற்போது 400 ரூபாயாக மாறி விட்டது. அதிகரித்து வரும் பணவீக்கம் சாமானிய மக்களின் பட்ஜெட்டை அழித்துவிட்டது" என்று பதிவிட்டுள்ளார்.