வாக்குச்சாவடியில் தேர்தல் அதிகாரிக்கு 'பளார்'.. சூடான சுயேட்சை வேட்பாளர் - பரபரப்பு வீடியோ

இந்தியாவில் 10 மாநிலங்களில் உள்ள 31 சட்டமன்ற தொகுதிகளுக்கும், கேரளாவின் வயநாடு நாடாளுமன்ற தொகுதிக்கும் இன்று [நவம்பர் 13] இடைத்தேர்தல் வாக்குப்பதிவு நடைபெற்று வருகிறது. அந்த வகையில் ராஜஸ்தானில் உள்ள 7 தொகுதிகளுளில் இடைதேர்தல் வாக்குப்பதிவு நடந்து வருகிறது.

இந்நிலையில் தியோலி - யூனியாரா சட்டமன்றத் தொகுதியில் உள்ள வாக்குச்சாவடியில் சுயேச்சை வேட்பாளர் தேர்தல் பணியில் ஈடுபட்டிருந்த சப் டிவிஷனல் மாஜிஸ்திரேட்(SDM) மீது தாக்குதல் நடத்திய சம்பவம் அப்பகுதியில் பரபரப்பை ஏற்படுத்தியுள்ளது. இந்த தொகுதிக்கு கஷ்தோர் சந்த் என்பவரை காங்கிரஸ் வேட்பாளராக நிறுத்தியது.

ஆனால் அப்பகுதியை சேர்ந்த காங்கிரஸ் பிரமுகர் நாரேஷ் மீனா கட்சி முடிவை எதிர்த்து சுயேட்சையாக மனுத் தாக்கல் செய்தார். இதனால் கட்சியில்இருந்து மீனா சஸ்பெண்ட் செய்யப்பட்டார். இதனைத் தொடர்ந்து பாரத் - ஆதிவாசி கட்சி ஆதரவுடன் பிரசாரம் சுயேட்சை கேண்டிடேட்டாக பிரசாரம் செய்தார்.

இந்நிலையில் சாம்ராவதாவில் உள்ள வாக்குச் சாவடியில் தேர்தல் பணிகளில் ஈடுபட்டிருந்த துணை நீதிபதி அமித் சவுத்ரிதனது ஆட்கள் 3 பேரை அழைத்துவந்து கள்ள ஒட்டு போட முயன்றதாக குற்றம்சாட்ய மீனா, அவரது அவரது கன்னத்தில் அறைந்து சரமாரியாக தாக்கியுள்ளார். இதனைத்தொடர்ந்து போலீசார் மீனாவை அங்கிருந்து அகலச் செய்தனர். இதுதொடர்பான வீடியோ இணையத்தில் வைரலாகி வருகிறது.