மலேசியாவில் இருந்து சென்னை வந்த இண்டிகோ விமானத்தில் தமிழில் அறிவிப்பு செய்த விமானி

சமூக வலைதளங்களில் நாள்தோறும் ஏராளமான வீடியோக்கள் பகிரப்பட்டாலும் ஒரு சில வீடியோக்கள்தான் அதிகம் பேரால் ரசிக்கப்பட்டு வைரலாகி விடுகிறது. அந்த வகையில் தற்போது வைரலாகி வரும் ஒரு வீடியோவில் இண்டிகோ விமானத்தில் பயணிகளுக்கு விமானி ஒருவர், தமிழில் விதிமுறைகளை கூறும் காட்சிகள் பயனர்களை ரசிக்க செய்துள்ளது.

அந்த வீடியோவில் விமானி பேசுகையில், எல்லோருக்கும் வணக்கம் நான் உங்கள் கேப்டன் பிரதீப் கிருஷ்ணன். நாம் இன்று மலேசியாவில் இருந்து சென்னை வரை செல்ல உள்ளோம். பயணத்தின் மொத்த தூரம் 2,800 கிலோ மீட்டர். மொத்த நேரம் 3.30 மணி நேரம். எனவே நீங்கள் அனைவரும் சீட் பெல்ட் அணிந்து கொள்ளுங்கள். உங்கள் பயணம் இனியதாக அமைய வாழ்த்துக்கள் என கூறுகிறார்.

இந்த வீடியோ வைரலாகி 3.45 லட்சத்திற்கும் அதிகமானோரால் பார்வையிடப்பட்டுள்ளது. விமானியின் தமிழ் பேச்சை பயனர்கள் பலரும் பாராட்டி கருத்துக்களை பதிவிட்டு வருகின்றனர்.