பிரெஞ்ச் ஓபன் டென்னிஸ்- செரீனா வில்லியம்ஸ் 3-வது சுற்றுக்கு தகுதி

பாரீஸ்:

பிரெஞ்சு ஓபன் டென்னிஸ் போட்டி பாரீஸ் நகரில் நடந்து வருகிறது.

பெண்கள் ஒற்றையர் பிரிவில் நேற்று போட்டி நடந்தது. 2-ம் சுற்று ஒன்றில் அமெரிக்காவின் செரீனா வில்லியம்ஸ்- பார்டி (ஆஸ்திரேலியா) ஆகியோர் மோதினர்.

இதில் செரீனா 3-6, 6-3, 6-4 என்ற செட் கணக்கில் வெற்றி பெற்று 3-வது சுற்றுக்கு தகுதி பெற்றார். இந்த சுற்றில் செரீனா, ஜெர்மனி வீராங்கனை ஜார்ஜசுடன் மோதுகிறார்.

மற்ற ஆட்டங்களில் கார்சியா (பிரான்ஸ்), பெகு (ரூமேனியா) ஆகியோர் 3-வது சுற்றுக்கு முன்னேறினர்.

ஆண்கள் ஒற்றையர் பிரிவு 2-ம் சுற்று ஆட்டங்களில் ரபெல் நடால் (ஸ்பெயின்), இஸ்னர் (அமெரிக்கா), ஹர்பர்ட் (பிரான்ஸ்), டெல்போட்ரோ (அர்ஜென்டினா), மரின் சிலிச் (குரோஷியா) ஆகியோர் வெற்றி பெற்று 3-வது சுற்றுக்குள் நுழைந்தனர்.#FrenchOpen #SerenaWilliams