இலங்கைக்கு எதிரான கடைசி டெஸ்ட்: அறிமுக வீரருடன் ஆடும் லெவனை அறிவித்த இங்கிலாந்து

லண்டன்:

இலங்கை கிரிக்கெட் அணி இங்கிலாந்தில் சுற்றுப்பயணம் மேற்கொண்டு 3 போட்டிகள் கொண்ட டெஸ்ட் தொடரில் விளையாடி வருகிறது. இதன் முதல் 2 டெஸ்ட் போட்டியிலும் இங்கிலாந்து வெற்றி பெற்று தொடரை கைப்பற்றியது.

இந்நிலையில் இரு அணிகளுக்கும் இடையேயான 3-வது மற்றும் கடைசி டெஸ்ட் போட்டி வருகிற 6-ந் தேதி தொடங்குகிறது. இதற்காக இங்கிலாந்து அணியின் ஆடும் லெவன் அணியை அறிவித்துள்ளது. இந்த அணியில் புதுமுக வீரராக வேகப்பந்து வீச்சாளர் ஜோஷ் ஹல் அறிமுகமாகிறார்.

இலங்கைக்கு எதிரான 3-வது டெஸ்ட் போட்டிக்கான இங்கிலாந்து அணி:-

டான் லாரன்ஸ், பென் டக்கெட், ஒல்லி போப் (கேப்டன்), ஜோ ரூட், ஹாரி புரூக், ஸ்மித் (விக்கெட் கீப்பர்), கிறிஸ் வோக்ஸ், கஸ் அட்கின்சன், ஒல்லி ஸ்டோன், ஜோஷ் ஹல், ஷோயிப் பஷீர்.