UEFA சாம்பியன்ஸ் லீக்: ரியல் மாட்ரிட்டை 2-0 வீழ்த்தியது லிவர்பூல்
- முதல் பாதி நேர ஆட்டத்தில் இரு அணிகளும் கோல் அடிக்கவில்லை.
- பின்னர் 52 மற்றும் 76-வது நிமிடத்தில் ரியல் மாட்ரிக் கோல் அடித்தது.
UEFA சாம்பியன்ஸ் லீக் கால்பந்து தொடரின் லீக் ஆட்டம் லிவர்பூல் அணிக்கு சொந்தமான மைதானத்தில் நடைபெற்றது. இந்திய நேரப்படி இன்று அதிகாலை நடைபெற்ற இந்த போட்டியில் லிவர்பூல்- ரியல் மாட்ரிட் அணிகள் பலப்பரீட்சை நடத்தின.
பலம் வாய்ந்த ஸ்பெயின் கிளப் அணியான ரியல் மாட்ரிட்டால் சொந்த மைதானத்தில் விளையாடிய லிவர்பூல் அணிக்கு ஈடுகொடுக்க முடியவில்லை.
முதல் பாதி நேரத்தில் இரண்டு அணிகளாலும் கோல்கள் அடிக்க முடியவில்லை என்றாலும், 2-வது பாதி நேரத்தில் லிவர்பூல் அணி ஆதிக்கம் செலுத்தியது.
அந்த அணியின் அலேக்சிஸ் மெக் அலிஸ்டர் 52-வது நிமிடத்தில் முதல் கோல் அடித்தார். பின்னர் 76-வது நிமிடத்தில் கோடி கக்போ கோல் அடிக்க லிவர்பூல் 2-0 என முன்னிலை பெற்றது.
ரியல் மாட்ரிட் பதில் கோல் அடிக்க எவ்வளவு போராடியும் பலன் அளிக்கவில்லை. இறுதியாக லிவர்பூல் 2-0 என வெற்றி பெற்றது.
லிவர்பூல் இதுவரை ஐந்து போட்டிகளில் விளையாடி ஐந்திலும் வெற்றி பெற்று புள்ளிகள் பட்டியலில் முதலிடம் பிடித்துள்ளது. ரியல் மாட்ரிட் 2 வெற்றி, 3 தோல்வியுடன் 24-வது இடத்தை பிடித்துள்ளது.
36 அணிகளை கொண்ட இந்த தொடரில் முதல் 8 இடங்களை பிடிக்கும் அணிகள் அடுத்த சுற்றுக்கு முன்னேறும். 9 முதல் 24 இடங்களை பிடித்த அணிகள் பிளே-ஆஃப் சுற்றில் விளையாடும்.