புரோ கபடி லீக்: 4வது வெற்றியைப் பதிவு செய்தது தமிழ் தலைவாஸ்

நொய்டா:

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் இரண்டாம் கட்ட லீக் ஆட்டங்கள் உத்தர பிரதேசத்தின் நொய்டாவில் நடந்து வருகிறது.

இதில் இன்று நடந்த முதல் ஆட்டத்தில் தமிழ் தலைவாஸ், பெங்கால் வாரியர்ஸ் அணிகள் மோதின. ஆரம்பம் முதலே தமிழ் தலைவாஸ் அணி வீரர்கள் சிறப்பாக ஆடினர்.

இறுதியில், தமிழ் தலைவாஸ் அணி 46-31 என்ற புள்ளிக்கணக்கில் அபார வெற்றி பெற்றது. இது தமிழ் தலைவாஸ் அணி பெற்ற 4-வது வெற்றி ஆகும்.