சென்னையில் 5 இடங்களில் மரங்கள் முறிந்து விழுந்தன- மாநகராட்சி ஊழியர்கள் உடனடியாக அகற்றினர்

சென்னை:

சென்னையில் நேற்று மாலையில் இருந்து கனமழை பெய்தது. இந்த மழை இரவு வரை நீடித்தது. தொடர்ந்து கன மழை பெய்ததால் 5 இடங்களில் மரங்கள் சரிந்து விழுந்தன.

தி.நகர் கோட்ஸ்ரோடு, 184-வது வார்டு சரவணன் நகர், ராமச்சந்திரன் தெருவில் உள்ள மரம், நங்கநல்லூரில் 165-வது வார்டு, 174-வது வார்டில் கற்பகம் கார்டன், 192-வது வார்டில் ராஜா நகர் ஆகிய இடங்களில் மரங்களும், கிளைகளும் முறிந்து விழுந்தன.

அவற்றை விடிய விடிய மாநகராட்சி ஊழியர்கள் எந்திரம் மூலம் வெட்டி அப்புறப்படுத்தினார்கள்.

மேலும் மழை நீர் தேங்கினாலோ, வெள்ளம் புகுந்தாலோ, மரம் மற்றும் கிளைகள் முறிந்து விழுந்தாலோ மாநகராட்சி கட்டுப்பாட்டு அறைக்கு தகவல் தெரிவித்தால் உடனடியாக அவற்றை சரி செய்ய நடவடிக்கை எடுக்கப்படுகிறது.