பொது மக்களை விரட்டி தாக்கிய தேனீக்கள்

புதுச்சேரி:

நெட்டப்பாக்கம் அருகே மொளப்பாக்கம் சாலையின் இருபுறங்களிலும் புளியமரம், இலவம் பஞ்சு மரம், வேப்ப மரம் உள்ளிட்ட பல்வேறு மரங்கள் உள்ளன. இந்த நிலையில் இலவம் பஞ்சு மரத்தில் தேனீக்கள் கூடு கட்டி வைத்துள்ளன.

இதனால் சாலையில் செல்ப வர்களை தேனீக்கள் விரட்டி விரட்டி கொட்டுகின்றன. இதுபோல்  தேனீக்கள் கொட்டியதில் சிலர் மடுகரை ஆரம்ப சுகாதார நிலையத்தில் சிகிச்சை பெற்றனர்.

எனவே இலவம் பஞ்சு மரத்தில் கட்டியுள்ள தேனீக்களை அப்புறப்படுத்த துறை சார்ந்த அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை வைத்துள்ளனர்.