மகாத்மாகாந்தி மருத்துவக் கல்லூரி தினம்

புதுச்சேரி:

பிள்ளையார்குப்பம் மகாத்மாகாந்தி மருத்துவக் கல்லூரி மற்றும் ஆராய்ச்சி நிறுவனத்தின் கல்லூரி தினம்  கொண்டாடப்பட்டது.

நிகழ்ச்சிக்கு ஸ்ரீ பாலாஜி வித்யாபீத் நிகழ்நிலை பல்கலைக்கழகம் வேந்தர் ராஜகோபாலன் தலைமை தாங்கினார்.

பல்கலைக்கழகத்தின் துணைவேந்தர் பேராசிரியர் நிகார் ரஞ்சன் பிஸ்வாஸ் முன்னிலை வகித்தார். பெங்களூரு, ராமையா பண்பாட்டு அறிவியல் பல்கலைக்கழகத்தின் சார்பு துணை வேந்தர் பேராசிரியர் ஓம் பிரகாஷ் சிறப்பு விருந்தினராக கலந்து கொண்டு 2017, 2018, 2019, 2021 ஆண்டு படித்த சிறந்த மருத்துவம் மற்றும் மருத்துவம் சார்ந்த படிப்புகளில் சிறந்து விளங்கிய மாணவர்களுக்கு பதக்கங்களை வழங்கினார்.

இதனைத் தொடர்ந்து 28 மற்றும் 29-ந் தேதி ஆகிய இரு நாட்களில் கல்லூரி ஆண்டு விழா மற்றும் மாணவர்களின் கலை விழா நடைபெறுகிறது. இதில் ஆடல், பாடல், பேஷன் ஷோ மற்றும் கலை நிகழ்ச்சிகள் நடக்கிறது. இதில் பல்கலைக் கழகத்தின் துணைவேந்தர் நிகார் ரஞ்சன் பிஸ்வாஸ் சிறப்பு விருந்தினராக கலந்து கொள்ள உள்ளார்.

கல்லூரியின் முதல்வர் பேராசிரியர் சீதேஸ் தலைமை தாங்குகிறார். இதனால் கல்லூரி வளாகம் விழாக்கோலம் போல காட்சி அளிக்கிறது.