தொழில்நுட்பம்
வாட்டர் ரெசிஸ்டன்ட் வசதி கொண்ட எல்ஜி கியூ7 சீரிஸ் ஸ்மார்ட்போன்கள் அறிமுகம்
எல்ஜி நிறுவனத்தின் கியூ7 சீரிஸ் ஸ்மார்ட்போன்கள் கொரியாவில் அறிமுகம் செய்யப்பட்டுள்ளன. இதன் சிறப்பம்சங்கள் மற்றும் இதர விவரங்களை தொடர்ந்து பார்ப்போம்.
சீயோல்:
எல்ஜி நிறுவனத்தின் கியூ7 சீரிஸ் ஸ்மார்ட்போன்கள் கடந்த மாதம் அறிமுகம் செய்யப்பட்ட நிலையில், தற்சமயம் இவை கொரியாவில் அறிமுகமாகி உள்ளன. இவை இந்த ஸ்மார்ட்போன் 1.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 450 சிப்செட், IP68 தர வாட்டர் ரெசிஸ்டன்ட் வசதி, போர்டிரெயிட் மோட், கியூலென்ஸ், ஹை-ஃபை ஆடியோ, டிடிஎஸ் X 3டி சரவுன்ட் சவுன்ட் உள்ளிட்ட அம்சங்கள் வழங்கப்பட்டுள்ளன.
3000 எம்ஏஹெச் பேட்டரி மூலம் சக்தியூட்டப்படும் புதிய ஸ்மார்ட்போனில் குவல்காம் ஃபாஸ்ட் சார்ஜிங் வசதி வழங்கப்பட்டுள்ளது. யுஎஸ்பி டைப்-சி போர்ட் மூலம் 0-50% சார்ஜ் செய்ய 30 நிமிடங்கள் ஆகும் என தெரிவிக்கப்பட்டுள்ளது.
எல்ஜி கியூ7 / கியூ7 பிளஸ் சிறப்பம்சங்கள்:
- 5.5 இன்ச் 18:9 FHD பிளஸ் 2160x1080 பிக்சல் ஃபுல் விஷன் டிஸ்ப்ளே
- 1.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 450 14என்எம் சிப்செட்
- அட்ரினோ 506 GPU
- 3 ஜிபி ரேம், 32 ஜிபி இன்டெர்னல் மெமரி (கியூ7)
- 4 ஜிபி ரேம், 64 ஜிபி இன்டெர்னல் மெமரி (கியூ7 பிளஸ்)
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.0 (ஓரியோ)
- டூயல் சிம் ஸ்லாட்
- 16 எம்பி பிரைமரி கேமரா (கியூ7 பிளஸ்)
- 13 எம்பி பிரைமரி கேமரா, எல்இடி ஃபிளாஷ், PDAF (கியூ7)
- 5 எம்பி செல்ஃபி கேமரா
- வாட்டர் மற்றும் டஸ்ட் ரெசிஸ்டன்ட் (IP68) MIL-STD 810G சான்று
- 4ஜி வோல்ட்இ, வைபை, ப்ளூடூத், யுஎஸ்பி டைப்-சி 2.0
- 3,000 எம்ஏஹெச் பேட்டரி மற்றும் ஃபாஸ்ட் சார்ஜிங்
எல்ஜி கியூ7 ஸ்மார்ட்போன் அரோரா பிளாக் மற்றும் லாவென்டர் வைலட் என இரண்டு நிறங்களில் கிடைக்கிறது. இதன் விலை 495,000 கொரிய வொன் (இந்திய மதிப்பில் ரூ.30,850) என்றும் எல்ஜி கியூ7 பிளஸ் மொராக்கன் புளு நிற ஸ்மார்ட்போன் விலை 570,000 கொரிய வொன் (இந்திய மதிப்பில் ரூ.35,540) என நிர்ணயம் செய்யப்பட்டுள்ளது.
ஜூன் மாதம் ஐரோப்பாவில் துவங்கி, அமெரிக்க மற்றும் ஆசிய நாடுகளில் இந்த ஸ்மார்ட்போன்கள் விற்பனைக்கு வரும் என எல்ஜி அறிவித்துள்ளது.