காமன்வெல்த் ஸ்குவாஷ் போட்டி - இந்தியாவின் சவுரவ் கோசல் வெண்கலம் வென்றார்

பர்மிங்காம்:

22-வது காமன்வெல்த் விளையாட்டு போட்டி இங்கிலாந்தின் பர்மிங்காம் நகரில் நடந்து வருகிறது.

இந்நிலையில், இன்று நடைபெற்ற ஸ்குவாஷ் போட்டியின் ஆடவர் ஒற்றையர் பிரிவு வெண்கலப் பதக்கத்துக்கான போட்டியில் இந்தியாவின் சவுரவ் கோசல், இங்கிலாந்தின் ஜேம்ஸ் வில்ஸ்ட்ரோவுடன் மோதினார்.

இதில், சவுரவ் கோசல் 3-0 என்ற கணக்கில் வெற்றி பெற்றார். அவர் 11-6, 11-1, 11-4 என்ற கணக்கில் மொத்தம் 3 சுற்றுகளில் வெற்றி பெற்று வெண்கலம் வென்றார்.

இதன்மூலம் இந்தியா 5 தங்கம், 5 வெள்ளி, 5 வெண்கலம் என மொத்தம் 15 பதக்கங்களைப் பெற்றுள்ளது.