பாகிஸ்தானின் நட்சத்திர பேட்ஸ்மேனான பாபர் அசாம், உலகின் தலைசிறந்த பேட்ஸ்மேன்களில் ஒருவராக திகழ்ந்து வருகிறார்.
இவர் தான் எதிர்த்து விளையாடிய தலைசிறந்த பேட்ஸ்மேனாக தென்ஆப்பிரிக்கா அணியின் முன்னாள் கேப்டன் டி வில்லியர்ஸை பார்ப்பதாக தெரிவித்துள்ளார்.
சரி, டி வில்லியர்ஸை தவிர்த்து மற்றொரு பேட்ஸ்மேனை தேர்வு செய்தால், யாரை தேர்வு செய்வீர்கள் எனக் கேட்டதற்கு மற்றொரு பேட்ஸ்மேனும் டி வில்லியர்ஸ்தான் என பதில் அளித்தார்.
தான் சந்தித்ததில் மிகவும் கடினமான பந்து வீச்சாளர் ஆஸ்திரேலியாவின் கேட் கம்மின்ஸ் எனத் தெரிவித்துள்ளார். உங்களுடைய போன்புக்கில் மிகவும் பிரபலம் அடைந்த நபர் யார் என்று கேட்டதற்கு, புகழ்பெற்ற பாகிஸ்தான் பாடகர் அடிஃப் அஸ்லாம் எனத் தெரிவித்துள்ளார்.
முன்னதாக பாகிஸ்தான்கிரிக்கெட் போர்டு ஷாஹீன் ஷா அப்ரிடி, பாபர் அசாம், முகமது ரிஸ்வான் ஆகியோருக்கு கனடாவில் நடைபெற இருக்கம் குளோபல் டி20 லீக்கில் விளையாட அனுமதி கொடுக்கவில்லை.
