மத்தியப்பிரதேசம்

போபால்:

பாராளுமன்ற தேர்தலுக்கான 195 வேட்பாளர்களை கொண்ட முதல் பட்டியலை பா.ஜ.க. நேற்று வெளியிட்டது. இதில் மத்திய பிரதேச மாநிலத்துக்கு 24 வேட்பாளர்கள் அறிவிக்கப்பட்டுள்ளனர்.

முன்னாள் முதல் மந்திரியான சிவராஜ் சிங் சவுகான், விதிஷா தொகுதியில் போட்டியிடு கிறார். அவர் ஏற்கனவே இந்த தொகுதியில் இருந்து 4 முறை எம்.பி.யாக தேர்ந்து எடுக்கப்பட்டார். தற்போது 5-வது முறையாக அந்த தொகுதியில் நிற்கிறார்.

கடந்த 1996-ல் இந்த தொகுதியில் இருந்து தான் வாஜ்பாய் வெற்றிபெற்றார். இதேபோல், சுஷ்மா சுவராஜ் 2009 மற்றும் 2014-ல் இங்கு இருந்து தேர்ந்து எடுக்கப்பட்டார்.

இந்நிலையில், மத்திய பிரதேசத்தில் மொத்தம் உள்ள 29 தொகுகளிலும் பா.ஜ.க. வெற்றி பெறும் என சிவராஜ் சிங் சவுகான் தெரிவித்துள்ளார்.

இதுதொடர்பாக சவுகான் கூறுகையில், மத்திய பிரதேச மக்களின் நெஞ்சில் பிரதமர் மோடி இருக்கிறார். இதனால் பா.ஜ.க. 29 தொகுதிகளிலும் வெற்றி பெறும். நாடு முழுவதும் 400 தொகுதிகளில் வெற்றிபெறுவதை இலக்காகக் கொண்டுள்ளோம் என தெரிவித்தார்.

போபால்:

காங்கிரஸ் எம்.பி. ராகுல் காந்தியின் இந்திய ஒற்றுமை நியாய யாத்திரை தற்போது மத்திய பிரதேசத்தை அடைந்துள்ளது. இங்கு மொரேனா பகுதியில் இன்று நடந்த யாத்திரையில் ராகுல் காந்தி பங்கேற்றார். அப்போது அவர் பேசியதாவது:

நாட்டின் விமான நிலையங்கள், துறைமுகங்கள், மின் உற்பத்தித் துறை ஆகிய அனைத்தும் தனியாரிடம் ஒப்படைக்கப்பட்டுள்ளது. இந்தியாவின் அனைத்து செல்வங்களும் ஒரு சில தொழிலதிபர்கள் கையில் உள்ளது.

நாட்டில் வெறுப்பு மற்றும் வன்முறை பரவுவதற்கு என்ன காரணம் என மக்களிடம் கேட்டேன். அதற்குக் காரணம் அநீதி என அனைவரும் பதிலளித்தனர். நாட்டில் மக்களுக்கு பல்வேறு வழிகளில் அநீதி இழைக்கப்படுகிறது. அதனால்தான் இந்தியாவில் வெறுப்பு பரவுகிறது.

ஒரு பக்கம் ஜாதி, மதத்தின் பெயரால் மக்களை பா.ஜ.க. பிரிக்கிறது. மறுபுறம் அனைவரையும் ஒன்றிணைக்கும் முயற்சியில் காங்கிரஸ் ஈடுபட்டுள்ளது. யாத்திரை மத்தியப் பிரதேசத்தின் புனித பூமிக்குள் நுழைந்துள்ளது.

நாட்டில் 50 சதவீதம் ஓபிசி, 15 சதவீதம் தலித் மற்றும் 8 சதவீதம் பழங்குடி மக்கள் உள்ளனர். இது மொத்த மக்கள் தொகையில் 73 சதவீதம் ஆகும். நாட்டின் பெரிய நிறுவனங்களில் ஓபிசி, தலித் அல்லது பழங்குடி சமூகத்தைச் சேர்ந்த ஒருவரைக்கூட காணமுடியாது.

விவசாயிகளுக்கு குறைந்தபட்ச ஆதார விலையை காங்கிரஸ் சட்டப்பூர்வமாக வழங்கும் என குறிப்பிட்டார்.

மத்திய பிரதேச மாநிலம் தின்டோரி மாவட்டத்தில் கிராம மக்களை ஏற்றிச் சென்ற வேன் (pickup vehicle) டிரைவரின் கட்டுப்பாட்டை இழந்து கவிழ்ந்து விபத்துக்குள்ளானது. இந்த விபத்தில் 14 பேர் பரிதாபமாக உயிரிழந்தனர். 21 பேர் காயம் அடைந்தனர். காயம் அடைந்தவர்கள் மருத்துவமனையில் சிகிச்சைக்காக சேர்க்கப்பட்டுள்ளனர்.

ஒரு நிகழ்ச்சியில் கலந்து கொண்ட கிராம மக்கள், தங்களது சொந்த ஊரான டெவாரி கிராமத்திற்கு வாகனத்தில திரும்பிக் கொண்டிருந்தனர். நேற்றிரவு பட்ஜார் என்ற இடத்தில் அந்த வாகனம் வந்தபோது திடீரென டிரைவர் கட்டுப்பாட்டை இழந்து விபத்துக்குள்ளானது.

இந்த சம்பவம் குறித்து தகவல் அறிந்த மத்திய பிரதேச மாநில முதல்வர் மோகன் யாதவ் தனது ஆழ்ந்த இரங்கலை தெரிவித்துள்ளார். உயிரிழந்தவர்களின் குடும்பத்திற்கு தலா 4 லட்சம் ரூபாய் வழங்கப்படும் என அறிவித்துள்ளார்.

பாராளுமன்ற தேர்தலை முன்னிட்டு மத்திய உள்துறை மந்திரி அமித்ஷா மத்திய பிரதேசத்தில் பிரச்சாரம் செய்து வருகிறார்.

சத்தர்பூர் மாவட்டத்தில் உள்ள கஜுராஹோவில் உள்ள கண்காட்சி மைதானத்தில் ஏற்பாடு செய்யப்பட்ட பாஜக மக்களவை பூத் கமிட்டி கூட்டத்தில் அமித்ஷா பேசினார்.

அப்போது அவர் கூறியதாவது:-

2004- 2014 வரை சோனியா- மன்மோகன் அரசு மத்தியப் பிரதேசத்திற்கு ரூ. 1,99,000 கோடி மட்டுமே வழங்கியது.

அதேசமயம், பிரதமர் நரேந்திர மோடி 9 ஆண்டுகளில் மத்தியப்பிரதேசம் மாநிலத்திற்கு ரூ. 7,74,000 கோடி கொடுத்தார். ஒவ்வொரு யாத்திரைத் தளங்களையும் பாஜக அரசு மேம்படுத்தியது. 

நோய் வாய்ப்பட்டிருந்த மத்தியப் பிரதேசத்தை உயிர்ப்பித்து வளர்ந்த மாநிலமாக மாற்றியது. வரவிருக்கும் பாராளுமன்ற தேர்தலுக்குப்பின் இந்தியா மீண்டும் மகத்துவம் பெறும்.

இந்தியா வல்லரசாக மாறும். மேலும், உலகின் 3-வது பெரிய பொருளாதார வளர்ச்சி பெற்ற நாடாக இந்தியாவை மாற்றிக் காட்டுவோம்.

இந்திய அரசியலில் காங்கிரஸ் கட்சி ஊழலுக்கு இணையான கட்சி. காங்கிரஸ் என்றால் ஊழல், ஊழல் என்றால் காங்கிரஸ். 10 ஆண்டுகளில் 12 லட்சம் கோடி ரூபாய் ஊழல் செய்து உள்ளார்கள்.

10 ஆண்டுகால பாஜக ஆட்சியில் பிரதமர் நரேந்திர மோடி ஒரு பைசா கூட திருடினார் என்று அவர்களால் குற்றம் சாட்ட முடியாது.

இவ்வாறு அவர் கூறினார்.

மத்தியபிரதேச மாநிலத்தில் 29 வயது இளைஞரான ரத்தோர் தன்னுடைய ரிக்ஷாவில் 'எனக்கு மணப்பெண் வேண்டும்' என விளம்பரம் செய்த வினோத சம்பவம் நடந்துள்ளது.

திருமணத்திற்கு பெண் தேடாமல் தனது பெற்றோர் பிரார்த்தனை மட்டுமே செய்து வந்ததால், விரக்தியடைந்த தீபேந்திர ரத்தோர் திருமண வரன் பார்க்கும் குழுவில் இணைந்துள்ளார். அங்கும் அவருக்கு பெண் கிடைக்கத்தால் மனமுடைந்த அவர் வித்தியாசமான முறையில் 'எனக்கு மணப்பெண் வேண்டும்' என தன்னுடைய சொந்த ரிக்ஷயாவில் விளம்பரம் செய்துள்ளார்.

அந்த விளம்பரத்தில் ரத்தோரின் வயது, உயரம், பிறந்த தேதி, ரத்தப் பிரிவு, கல்வித் தகுதி உள்ளிட்ட விவரங்கள் அடங்கியுள்ளன.

இது தொடர்பாகப் பேசிய ரத்தோர், "எந்த சாதி, மதத்தைச் சேர்ந்த பெண்ணாக இருந்தாலும் திருமணம் செய்து கொள்ள நான் தயாராக இருக்கிறேன். என்னுடைய மனைவியாக வருபவர் எப்போதும் மகிழ்ச்சியாக இருப்பார்" என்று அவர் தெரிவித்துள்ளார்.  

மத்திய பிரதேச மாநில சட்டமன்ற தேர்தலில் காங்கிரஸ் கட்சி படுதோல்வி அடைந்தது. இதனால் அம்மாநில காங்கிரஸ் தலைவரான முன்னாள் முதல்வர் கமல்நாத்துக்கு எதிராக ராகுல் காந்தி இருப்பதாலும், மாநிலங்களவை எம்.பி. பதவி வழங்காததாலும் காங்கிரஸ் கட்சியில் இருந்து விலகி பா.ஜனதா கட்சியில் கமல் நாத் இணைய இருப்பதாக வதந்திகள் வெளிவந்த வண்ணம் உள்ளன.

இன்று டெல்லில் பா.ஜனதாவின் மூத்த தலைவர்களை சந்திக்க இருப்பதாகவும் செய்திகள் வந்த வண்ணம் உள்ளன. இதுகுறித்து கமல் நாத்திடம் கேள்வி கேட்கப்பட்டது.

அப்போது பத்திரிகையாளர் ஒருவர், "நீங்கள் பா.ஜனதாவில் இணையப் போவதாக செய்திகள் வருகிறதே?" என்றார்.

அதற்கு கமல்நாத், "அதேபோல் ஒரு விசயம் இருந்தால், நான் உங்களுக்குத்தான் முதலில் தகவல் தெரிவிப்பேன்" என்றார்.

அதற்கு பத்திரிகையாளர், "நீங்கள் இணைவது தொடர்பாக மறுப்பு தெரிவித்ததுபோல் இல்லையே உங்கள் பதில்".. என்றார்.

அதற்கு கமல்நாத், "இது மறுப்பது பற்றியது அல்ல. நீங்கள் இதுகுறித்து பேசுகிறீர்கள். உங்களை சேர்ந்தவர்கள் மகிழ்ச்சிடையகிறார்கள். இந்த பக்கமா, அந்த பக்கமா என்பது குறித்து பேசுவதில் நான் மகிழ்ச்சி அடையவில்லை. ஆனால் அதுபோன்று ஏதாவது நடந்தால், உங்களுக்குத்தான் முதலில் தகவல் தெரிவிப்பேன் என்றார்.

கடந்த சில தினங்களாக கமல் நாத்தின் கோட்டையாக கருதப்படும் சிந்த்வாரா தொகுதியில் சுற்றுப் பயணம் செய்தார். இந்தத் தொகுதியில் இருந்து 9 முறை எம்.பி.யாக தேர்வு செய்யப்பட்டுள்ளார். கடந்த முறை அவரது மகன் நகுல் நாத் வெற்றி பெற்றார். பா.ஜனதா 28 தொகுதிகளில் வெற்றி பெற்ற நிலையிலும் சிந்த்வாரா தொகுதியில் தனிப்பட்ட செல்வாக்கை நிரூபித்தார்.

இந்த தொகுதியில் நான்தான் வேட்பாளர் என அவரது மகன் நகுல் நாத் தெரிவித்துள்ளது குறிப்பிடத்தக்கது.

காங்கிரஸ் கட்சியின் மூத்த தலைவர்களில் ஒருவர் கமல்நாத். இவர் மத்திய பிரதேச மாநிலத்தின் முக்கிய காங்கிரஸ் தலைவர். மேலும், அம்மாநில முதல்வராக இருந்துள்ளார். இவரது மகன் நகுல் கமல்நாத்.

இருவரும் பா.ஜனதாவுக்கு தாவ இருப்பதாக தகவல் வெளியாகியுள்ளது. மத்திய பிரதேச மாநில அரசியலில் கடந்த சில தினங்களாக இதுதான் பரபரப்பான செய்தியாக பார்க்கப்படுகிறது.

இதற்கு வலுசேர்க்கும் வகையில் காங்கிரஸ் கட்சி எம்.பி.யான நகுல் நாத் தனது சமூக வலைத்தள முகப்பில் இருந்து காங்கிரஸ் பெயரை நீக்கியுள்ளார். அதேவேளையில் இன்று மாலை கமலாந்த் டெல்லி சென்று பா.ஜனதாவின் மூத்த தலைவர்களை சந்திக்க இருப்பதாக தகவல் வெளியாகியுள்ளது.

இதனால் இருவரும் பா.ஜனதாவில் சேர அதிக வாய்ப்புள்ளதாக கருதப்படுகிறது.

இதற்கிடையே மத்திய பிரதேச மாநில பா.ஜனதா தலைவர் வி.டி. சர்மா நேற்று, காங்கிரஸ் தலைவர்கள் அக்கட்சியின் முடிவுகளால் அப்செட் ஆகியுள்ளனர். பா.ஜனதா கட்சியின் கதவு காங்கிரஸ் கட்சியின் மேலும் சில சீனியர் காங்கிரஸ் தலைவர்களுக்காக திறந்தே இருக்கிறது.

அந்த கட்சி தலைவர்கள் அயோத்தி ராமர் கோவில் கும்பாபிஷேக அழைப்பு விவகாரத்தில் அப்செட் ஆகியுள்ளனர். நீங்கள் யாரை குறிப்பிடுகிறீர்களோ, அவர்களது மனதில் வலி இருந்தாலும் அவர்களும் வரவேற்கப்படுவார்கள்" என்றார்.

மத்திய பிரதேசத்தில் முன்னாள் எம்.எல்.எ. தினேஷ் அகிர்வார் மற்றும் காங்கிரஸ் மாவட்ட தலைவர் ராகேஷ் கட்டாரே ஆகியோர் கடந்த 12-ந்தேதி பா.ஜனதா கட்சியில் இணைந்தனர்.

சிந்த்வாரா மக்களவை எம்.பி.யான நகுல் நாத், தானாகவே அந்த தொகுதிக்கான காங்கிரஸ் கட்சி வேட்பாளர் என அறிவித்துக் கொண்டார் என்பது குறிப்பிடத்தக்கது.

இதற்கிடையே கமல்நாத் காங்கிரஸ் கட்சியில் இருந்து வெளியேறி பா.ஜனதாவுக்கு செல்லமாட்டார் என திக்விஜய் சிங் தெரிவித்துள்ளார்.

போபால்:

மத்தியப்பிரதேச மாநிலம் போபாலில் வேலையில்லாத் திண்டாட்டத்தை கண்டித்து இளைஞர் காங்கிரஸ் கட்சி சார்பில் இன்று போராட்டம் நடந்தது.

இந்தப் போராட்டத்தில் நூற்றுக்கணக்கான இளைஞர் காங்கிரசார் கலந்துகொண்டு மாநில அரசைக் கண்டித்து கோஷங்கள் எழுப்பினர். இதனால் அங்கு பதட்டம் ஏற்பட்டது.

இதையடுத்து போராட்டக்காரர்களை கலைந்து செல்லுமாறு போலீசார் எச்சரித்தனர். யாரும் கலைந்து செல்லாததால் அவர்கள் மீது தண்ணீர் பீரங்கி மூலம் தண்ணீரை பீய்ச்சி அடித்தனர்.

இதுதொடர்பாக, மத்தியப் பிரதேச காங்கிரஸ் தலைவர் ஜிது பட்வாரி கூறுகையில், மத்தியப் பிரதேசத்தில் பா.ஜ.க. அரசு பதவியேற்ற முதல் ஆண்டிலேயே 2 லட்சம் வேலைவாய்ப்புகளை வழங்குவதாக உறுதி அளித்தது. இதுவரை அது செயல்படுத்தப்படவில்லை. ஆனால் ஆன்லைன் சூதாட்டத்தைச் சட்டப்பூர்வமாக்கி உள்ளது. இது வேலை செய்யாது.

வேலை வழங்கக்கோரி போராட்டத்தில் ஈடுபட்ட இளைஞர்கள் மீது போலீசார் தண்ணீர் பீய்ச்சி அடித்த சம்பவத்தை வன்மையாகக் கண்டிக்கிறோம் என தெரிவித்தார்.

போபால்:

பிரதமர் நரேந்திர மோடி மத்திய பிரதேச மாநிலத்தில் சுற்றுப்பயணம் மேற்கொண்டார். அங்கு ரூ.7,500 கோடி மதிப்பிலான பல்வேறு திட்டங்களுக்கு அடிக்கல் நாட்டினார். பின்னர் ஜபுவா மாவட்டத்தில் நடந்த பொதுக்கூட்டத்தில் பிரதமர் மோடி பங்கேற்று பேசினார். பிரதமர் மோடி பேசிக் கொண்டிருந்தபோது அவரை பார்த்து உற்சாகமடைந்த சிறுவன் ஒருவன் அவரை நோக்கி உற்சாகமாக கையசைத்துக் கொண்டே இருந்தான்.

இதை மேடையில் இருந்து பிரதமர் மோடி கவனித்தார். உடனே அவர் அந்த சிறுவனிடம் பேசினார். 'மகனே, உன் அன்பை நான் பெற்றுவிட்டேன். தயவு செய்து உன் கையை தாழ்த்தி சாதாரணமாக வைத்துக் கொள். இல்லாவிட்டால் கை வலிக்க தொடங்கும்' என்றார்.

பிரதமர் மோடியின் சிறுவனை பார்த்து கூறிய இந்த வார்த்தைகள் கூட்டத்தில் இருந்த பொதுமக்கள் அனைவரையும் கவர்ந்தது. இந்த நிலையில் பிரதமர் மோடியை பார்த்து சிறுவன் கையசைத்ததும், சிறுவனை பார்த்து பிரதமர் மோடி பேசியதும் வீடியோவாக இணையதளத்தில் வேகமாக பரவி வருகிறது.

மத்தியபிரதேச மாநிலம் ஜபுவா மாவட்டத்தில் பழங்குடியின சமூக பொதுக்கூட்டத்தில் பிரதமர் நரேந்திர மோடி இன்று கலந்து கொண்டு பேசினார். அப்போது அவர் கூறியதாவது:-

"பாராளுமன்ற தேர்தல் இன்னும் சில மாதங்களில் நடைபெற உள்ள நிலையில் இந்தஆண்டு மாநிலத்திற்கு நான் வருவது இதுவே முதல் முறை. பழங்குடியினரின் ஆரோக்கியத்திற்காக பல திட்டங்கள் தொடங்கினோம்."

"காங்கிரஸ் கட்சிக்கு தேர்தல் நேரத்தில்தான் கிராமங்கள், ஏழைகள், விவசாயிகள் நினைவுக்கு வருகிறது. தங்களின் உடனடி தோல்வியை உணர்ந்து, காங்கிரசும் அதன் கூட்டணிக்கட்சிகளும் கடைசி கட்ட தந்திரங்களை கையாண்டு வருகின்றன."

"'கொள்ளையடித்து பிளவுபடுத்து' என்பதே காங்கிரஸ் கட்சியின் குறிக்கோள். நாடாளுமன்றத்தில் எதிர்க்கட்சித் தலைவர்கள் கூட இப்போது ஆளும் தேசிய ஜனநாயகக் கூட்டணிக்கு 400 இடங்கள் தேர்தலில் கிடைக்கும் என்று கூறுகிறார்கள்."

"பாராளுமன்ற தேர்தலில் பாஜவின் 'தாமரை' சின்னம் 370க்கும் மேற்பட்ட இடங்களை கைப்பற்றுவது உறுதி. நான் பாராளுமன்ற தேர்தல் பிரசாரத்திற்காக இதை சொல்ல வில்லை. உங்கள் சேவகனாக நான் சொல்ல இங்கு வந்து உள்ளேன்."

"மத்திய பிரதேசத்தில் எங்களின் இரட்டை என்ஜின் அரசு இரட்டிப்பு வேகத்தில் செயல்பட்டு வருகிறது. பா.ஜ.க. 370 பாராளுமன்ற தொகுதிகளில் வெற்றிபெற, கடந்த தேர்தலைவிட ஒவ்வொரு வாக்குச்சாவடியிலும் 370 வாக்குகள் கூடுதலாகபெறுவதை வாக்காளர்கள் உறுதி செய்ய வேண்டும்," என்று பேசினார்.

மத்தியப் பிரதேசம் மாநிலம் ஹர்தாவில் உள்ள பட்டாசு ஆலையில் ஏற்பட்ட வெடி விபத்தில் 11 பேர் உயிரிழந்துள்ளனர். ௧௦௦-க்கும் மேற்பட்டோர் பலத்த காயம் அடைந்துள்ளனர்.

சம்பவ இடத்திற்கு விரைந்த தீயணைப்பு வீரர்கள், விபத்தில் சிக்கியவர்களை மீட்டு மருத்துவமனையில் அனுமதிக்கப்பட்டுள்ளனர்.

ஒரு மணி நேரத்திற்கும் மேலாக பட்டாசுகள் தொடர்ந்து வெடித்துக் கொண்டே இருந்ததால் அப்பகுதியில் பெரும் பரபரப்பு ஏற்பட்டுள்ளது.

தீ விபத்தால், அருகே உள்ள 60 வீடுகளுக்கும் தீ பரவியது. மேலும், விபத்துக்கான காரணம் குறித்து போலீசார் விசாரணை நடத்தி வருகின்றனர்.  

கடந்த ஆண்டு ஆகஸ்ட் மாதம் ஐ.டி. துறையில் பணிபுரியும் பெண்ணும், ஆணும் திருமணம் செய்து கொண்டனர். இந்த தம்பதி தேனிலவுக்கு எங்கும் செல்லாத நிலையில், கணவர் தேனிலவுக்காக வெளிநாட்டிற்கு அழைத்து செல்வார் என்று அப்பெண் எதிர்பார்த்திருந்தார். ஆனால் அவரது கணவர் தனது பெற்றோரை கவனிக்க வேண்டும் என்று கூறி அதை நிராகரித்துள்ளார்

இந்நிலையில், அத்தம்பதி தேனிலவுக்காக கோவா செல்ல திட்டமிட்டு ஏற்பாடுகளையும் செய்த நிலையில், திடீரென கணவரின் தாய் அயோத்தியில் ராமர் கோவில் பிரான் பிரதிஷ்டைக்கு முன் அந்த இடங்களுக்கு செல்ல விரும்புவதாகக் கூறி அயோத்தி மற்றும் வாரணாசிக்கு செல்ல திட்டமிட்டுள்ளனர்.

இதனையடுத்து அப்பெண் கோவா செல்ல திட்டமிட்டு புறப்பட இருந்த ஒருநாளைக்கு முன்னர் தான் அவரிடம் தெரிவிக்கப்பட்டுள்ளது. இதனால் வேதனை அடைந்த அந்த பெண் எந்த பிரச்சனையையும் உருவாக்கவில்லை என்று கூறிவிட்டு அவர்களுடன் பயணம் மேற்கொண்டுள்ளார்.

இந்நிலையில், அயோத்தி மற்றும் வாரணாசியில் இருந்து தம்பதியும் அவரது மாமியாரும் திரும்பி வந்து பத்து நாட்களுக்குப் பிறகு அப்பெண், கடந்த வாரம் விவாகரத்து கோரி நீதிமன்றத்தில் மனு தாக்கல் செய்துள்ளார்.