மத்தியப்பிரதேசம்

மத்திய பிரதேச மாநிலத்தில் உள்ளது ரட்லம் (Ratlam) மாவட்டம்.

ரட்லம் மாவட்டத்தில் தோதர் (Dhodhar) கிராமத்தில் தனது கணவர் பிரகாஷுடன் வசித்து வந்தவர் நிர்மலா (33). இத்தம்பதியினருக்கு 2 குழந்தைகள் உள்ளனர்.

சில தினங்களுக்கு முன் பிரகாஷ் தற்கொலை செய்து கொண்டார். அவரது மரணத்திற்கு நிர்மலாதான் காரணம் என பிரகாஷின் மூத்த சகோதரர் சுரேஷ் (40) குற்றம் சாட்டி வந்தார்.

இந்நிலையில் நேற்று சுரேஷ், நிர்மலா வீட்டிற்கு சென்று வாக்குவாதத்தில் ஈடுபட்டார். வாக்குவாதம் மோதலாக மாறிய போது ஆத்திரமடைந்த சுரேஷ், அருகிலிருந்த ஒரு இரும்பு கம்பியால் நிர்மலாவை தாக்கினார். இதில் நிர்மலா நிலைதடுமாறி விழுந்தார். அவர் மீது சுரேஷ் பெட்ரோல் ஊற்றி தீ வைத்தார்.

மளமளவென பரவிய தீயால் உடல் வெந்து அங்கேயே துடிதுடித்து நிர்மலா உயிரிழந்தார். இந்த கோர சம்பவத்தில் தங்கள் தாயார் பலியாவதை நிர்மலாவின் குழந்தைகள் கண்டனர்.

இதையடுத்து, அக்கம்பக்கத்தினர் அளித்த தகவல்களின் பேரில் அங்கு விரைந்து வந்த காவல்துறையினர் நிர்மலாவின் சடலத்தை பிரேத பரிசோதனைக்கு அனுப்பி வைத்து, சுரேஷை காவலில் எடுத்தனர்.

குற்றத்தை ஒப்பு கொண்ட சுரேஷ் மீது கொலை வழக்கு பதிவு செய்யப்பட்டுள்ளது. இச்சம்பவம் குறித்து காவல்துறை கண்காணிப்பாளர் ராகுல் குமார் லோதா தலைமையில் தீவிர விசாரணை நடந்து வருகிறது.

போபால்:

இந்தியாவில் உள்ள அரசியல் கட்சிகளின் ஆணி வேராக இருப்பது தொண்டர்களே. தங்கள் தலைவர்களுக்காக தயக்கம் இன்றி களத்தில் இறங்கி செயலாற்றுவது வழக்கம். தங்களின் தலைவர்கள் வெற்றிபெற வேண்டி தொண்டர்கள் பல வினோதமான செயல்களை செய்வார்கள்.

பா.ஜ.க.வைச் சேர்ந்த ராம்தாஸ் புரி என்பவர், கடந்த 6 ஆண்டாக செருப்பு அணியாமல் நடப்பதை வழக்கமாகக் கொண்டிருந்தார்.

இதுதொடர்பாக அவர் கூறுகையில், மத்திய பிரதேசத்தில் பா.ஜ.க. மீண்டும் ஆட்சியில் அமரும் வரை கால்களில் செருப்பு மற்றும் ஷூ அணிய மாட்டேன். கடந்த 2018-ல் நான் எனது செருப்புகளை கழற்றிய நான், கடந்த 6 ஆண்டாக செருப்பு அணியாமல் இருந்துவருகிறேன். மத்திய பிரதேசத்தில் பா.ஜ.க. ஆட்சியில் அமர்ந்தால் தான் மீண்டும் அதனை அணிந்துகொள்வேன் என தெரிவித்தார்.

இதற்கிடையே, சமீபத்தில் நடைபெற்ற சட்டசபை தேர்தலில் பா.ஜ.க. அறுதிப் பெரும்பான்மையுடன் வெற்றி பெற்றது.

இந்நிலையில், முன்னாள் முதல் மந்திரியான சிவராஜ் சிங் சவுகான் இன்று ம.பி.யின் அனுப்பூர் பகுதிக்குச் சென்றார். அங்கு மாவட்ட தலைவராக இருக்கும் ராம்தாஸ் புரியைச் சந்தித்து புதிய ஷூக்களைக் கொடுத்தார்.

பா.ஜ.க. வெற்றி பெற்று மீண்டும் ஆட்சிக்கு வந்ததை தொடர்ந்து, ராம்தாஸ் புரி அந்த ஷூக்களை மகிழ்ச்சியுடன் அணிந்து கொண்டார்.

கடந்த முறை நடந்த தேர்தலில் காங்கிரஸ் வெற்றி பெற்று ஆட்சியை அமைத்தது குறிப்பிடத்தக்கது.

#WATCH | Anuppur: Former Madhya Pradesh CM Shivraj Singh Chauhan made Anuppur BJP District President Ramdas Puri fulfil his resolve by making him wear shoes.

Ramdas Puri had not worn shoes and slippers for the last 6 years. He had pledged in 2017-18 that he would not wear shoes… pic.twitter.com/zC7tbBuzi1

— ANI MP/CG/Rajasthan (@ANI_MP_CG_RJ) December 23, 2023

கிறிஸ்துமஸ் பண்டிகை வருகிற 25-ந்தேதி கொண்டாடப்பட இருக்கிறது. கிறிஸ்துமஸ் பண்டிகையை முன்னிட்டு அதற்கு இரண்டு வாரங்களுக்கு முன்பே கிறிஸ்துமஸ் மரங்கள் வைப்பது, சாண்டா ஆடை அணிந்து பரிசுகள் வழங்குவது போன்ற ஏற்பாடுகள் செய்யப்படும். இதுபோன்ற ஏற்பாடுகள் வீடுகள், அலுவலகங்கள், பள்ளிகள் போன்ற இடங்களில் செய்யப்படும்.

ஒரு சில பள்ளிகளில் பெற்றோர்கள் சம்மதம் இல்லாமல் மாணவர்கள் இதுபோன்ற நிகழ்ச்சிகளில் ஈடுபடுத்தப்படுவார்கள். இதுபோன்று செயல்களில் ஈடுபடும் பள்ளிகள் பெற்றோர்களில் சம்மதத்தை கட்டாயம் பெற வேண்டும் என மத்திய பிரதேச மாநிலத்தின் ஷாஜபூர் மாவட் கல்வித்துறை அதிகாரி பள்ளிகளுக்கு சுற்றறிக்கை அனுப்பியுள்ளார்.

அந்த சுற்றறிக்கையில் "மாணவ- மாணவர்களின் பெற்றோர்களின் எழுத்துப்பூர்வ சம்மதம் இல்லாமல் அவர்களை சாண்டா கிளாஸ் ஆடை அணிய வைப்பது, கிறிஸ்துமஸ் மரம் வைப்பது போன்ற கிறிஸ்துமஸ் தொடர்பான நிகழ்ச்சிகளில் ஈடுபடுத்தக்கூடாது. இது தொடர்பாக புகார் ஏதும் வந்தால், பள்ளிக்கூடத்திற்கு எதிராக ஒழுங்கு நடவடிக்கை மேறகொள்ளப்படும்" எனத் தெரிவிக்கப்பட்டுள்ளது.

மாவட்ட கல்வி அதிகாரி இதுகுறித்து கூறுகையில் "தொடர்ந்து வரும் திருவிழா சீசனில் பள்ளிகள் நடக்கும் நிகழ்ச்சிகளை இந்த சுற்றறிக்கை தடை செய்தாது. தங்களுடைய சம்மதம் இல்லாமல் குழந்தைகள் ஈடுபடுத்தப்பட்டுள்ளனர் என பெற்றோர்கள் கடந்த காலத்தில் புகார் அளித்துள்ளனர். சுற்றறிக்கை எண்ணம் இதுபோன்ற சர்ச்சையை தடுப்பதற்காகத்தான். சம்பவம் நடைபெற்ற பிறகு நடவடிக்கை எடுப்பதை விட இது சிறந்தது" என்றார்.

போபால்:

தெலுங்கானா, மத்திய பிரதேசம், ராஜஸ்தான், சத்தீஸ்கர் ஆகிய 4 மாநிலங்களில் கடந்த மாதம் 7-ம் தேதி முதல் 30-ம் தேதி வரை பல்வேறு கட்டங்களாக வாக்குப்பதிவு நடைபெற்றது.

இதன் வாக்கு எண்ணிக்கை டிசம்பர் 3-ம் தேதி நடைபெற்றது. இதில் தெலுங்கானாவில் காங்கிரஸ், மத்திய பிரதேசம், ராஜஸ்தான், சத்தீஸ்கரில் பா.ஜ.க.வும் வெற்றி பெற்றது.

இதற்கிடையே, மத்திய பிரதேச மாநில முதல் மந்திரியாக மோகன் யாதவ் தேர்வானார். தெற்கு உஜ்ஜைன் தொகுதி எம்.எல்.ஏ.வான மோகன் யாதவ் முதல் மந்திரியாக பதவி ஏற்றார்.

இந்நிலையில், மத்திய பிரதேசம் சட்டசபையில் சபாநாயகராக முன்னாள் மத்திய மந்திரி நரேந்திர சிங் தோமர் தேர்வு செய்யப்பட்டுள்ளார். அவருக்கு முதல் மந்திரி மோகன் யாதவ் வாழ்த்து தெரிவித்துள்ளார்.

மத்திய பிரதேச மாநிலத்தின் காங்கிரஸ் கட்சி தலைவராக ஜிது பத்வாரி நியமிக்கப்பட்டு இருக்கிறார். ஏற்கனவே மத்திய பிரதேச காங்கிரஸ் தலைவராக இருந்துவந்த கமல்நாத் அந்த பதிவியில் இருந்து நீக்கப்பட்டு இருக்கிறார்.

சமீபத்தில் நடைபெற்ற சட்டமன்ற தேர்தலில் ஜிது பத்வாரி தன்னை எதிர்த்து போட்டியிட்ட பா.ஜ.க. வேட்பாளரிடம் 35 ஆயிரம் வாக்குகள் வித்தியாசத்தில் தோல்வியை சந்தித்தார் என்பது குறிப்பிடத்தக்கது. முன்னதாக மத்திய பிரதேச மாநிலத்தில் காங்கிரஸ் ஆட்சியின் போது ஜிது பத்வாரி அம்மாநில உயர்கல்வி துறை மந்திரியாக செயல்பட்டு வந்தார்.

230 தொகுதிகளை கொண்ட மத்திய பிரதேச மாநிலத்தில் சட்டமன்ற தேர்தல் நடைபெற்றது. இதில் பா.ஜ.க. 163 தொகுதிகளை கைப்பற்றி அபார வெற்றி பெற்றது. வெறும் 66 தொகுகதிகளில் வெற்றி பெற்ற காங்கிரஸ் கட்சி சட்டமன்ற தேர்தலில் தோல்வியை தழுவியது.

தற்போது மத்திய பிரதேச மாநிலத்தில் காங்கிரஸ் கட்சி தலைவராக ஜிது பத்வாரி நியமிக்கப்பட்டு இருப்பதை அடுத்து, அம்மாநிலத்தில் கட்சி ரீதியில் பல்வேறு மாற்றங்கள் நடைபெறலாம் என்று எதிர்பார்க்கப்படுகிறது.

போபால்:

மத்திய பிரதேசத்தில் தொடர்ச்சியாக ஆட்சியில் இருந்து வரும் பா.ஜனதா இந்த தடவை அதிக இடங்களை கைப்பற்றி இருக்கிறது.

அங்கு மோகன் யாதவ் புதிய முதல் மந்திரியாக பொறுப்பேற்றுக் கொண்டார். ராஜேந்திர சுக்லா, ஜெகதீஷ் தேவ்தா இருவரும் துணை முதல்-மந்திரிகளாக பதவியேற்றனர்.

இந்நிலையில், விதிஷா தொகுதியில் வெற்றி பெற்ற எம்.எல்.ஏ.வும், முன்னாள் முதல் மந்திரியுமான சிவராஜ் சிங் சவுகான் அங்கு நடந்த நலத்திட்ட நிகழ்ச்சியில் பங்கேற்றார்.

அங்கிருந்த பெண் தொண்டர்கள் பலர் முதல் மந்திரி பதவி மாற்றப்பட்டதால் வருந்தி கண்ணீர் விட்டுக் கதறினர். அப்போது பேசிய சிவராஜ் சிங் சவுகான், நாங் இங்கிருந்து எங்கும் போகமாட்டேன், உங்களோடு தான் இருப்பேன் என அவர்களுக்கு ஆறுதல் கூறினார்.

மத்திய பிரதேசம், ராஜஸ்தான், மிசோரம், தெலுங்கானா, சத்தீஸ்கர் ஆகிய 5 மாநிலங்களில் சட்டசபைக்கு நடந்த தேர்தலில் மத்திய பிரதேசம், ராஜஸ்தான், சத்தீஸ்கர் ஆகிய 3 மாநிலங்களிலும் பா.ஜனதா ஆட்சியை பிடித்து சாதனை படைத்தது.

இந்த 3 மாநிலங்களிலும் 3 புதிய முகங்களை முதலமைச்சர் பதவிக்கு பா.ஜனதா மேலிடம் தேர்வு செய்திருக்கிறது.

மத்திய பிரதேசத்தில் தொடர்ச்சியாக ஆட்சியில் இருந்து வரும் பா.ஜனதா இந்த தடவை அதிக இடங்களை கைப்பற்றி இருக்கிறது. அங்கு மோகன் யாதவ் புதிய முதல்-மந்திரியாக பொறுப்பேற்றார்.

இந்நிலையில், அம்மாநிலத்தில் முதல்வர் மோகன் யாதவ் தலைமையிலான முதல் மாநில அமைச்சரவைக் கூட்டம் இன்று நடைபெற்றது.

இந்த கூட்டத்தில், இறைச்சி, மீன், முட்டைகளை திறந்த வெளியில் விற்பனை செய்யத் தடை விதிக்கப்படும் என்று அம்மாநில முதல்வர் மோகன் யாதவ் தெரிவித்துள்ளார்.

மேலும், தடை விதிப்பது தொடர்பாக உணவுத் துறை, காவல்துறை மற்றும் உள்ளூர் நகர்ப்புற அமைப்புகளால் டிசம்பர் 15ம் தேதி முதல் 31ம் தேதி வரை பிரச்சாரம் மேற்கொள்ளப்படும் எனவும் கூறப்பட்டுள்ளது.

மத்திய பிரதேச மாநில முதல்வராக மோகன் யாதவ் நேற்று பதவி ஏற்ற நிலையில், அம்மாநிலத்தில் உணவு பாதுகாப்பு விதிமுறையின் கீழ் திறந்த வெளியில் இறைச்சி, முட்டை விற்பனை செய்ய தடை விதிக்கப்பட்டுள்ளது. இதற்கான் விழிப்புணர்வு பிரசாரம் உணவுத்துறை, போலீஸ், உள்ளூர் நகர்ப்புற அமைப்புகள் மேற்கொள்ளப்பட இருக்கிறது. டிசம்பர் 15-ந்தேதி முதல் டிசம்பர் 31-ந்தேதி வரை இந்த தடை உத்தரவு அமலில் இருக்கும்.

போபாலில் உள்ள நேரு மைதானத்தில் மோகன் யாதவ் நேற்று முதல்வராக பதவி ஏற்றுக்கொண்டார. ஜெக்திஷ் தேவ்தா, ராஜேந்திர சுக்லா ஆகியோர் துணை முதல்வராக பதவி ஏற்றுக் கொண்டனர். இந்த விழாவில் பிரதமர் மோடி, அமித் ஷா, ஜே.பி. நட்டா உள்ளிட்டோர் ஆகியோர் கலந்த கொண்டனர்.

ஆர்எஸ்எஸ் பின்னணி கொண்ட மோகன் யாதவ், தனது முதல் கேபினட் கூட்டத்திலேயே இந்த முடிவை எடுத்துள்ளார்.

அயோத்தியில் உள்ள ராமர் கோவில் கும்பாபிஷேகம் அடுத்த மாதம் நடைபெற இருக்கிறது. மத்திய பிரதேசம் வழியாக அயோத்தி செல்லும் ராமர் பக்தர்கள் வரவேற்கப்படுவார்கள் எனத் தெரிவிக்கப்பட்டுள்ளது.

மத்திய பிரதேசம், ராஜஸ்தான், மிசோரம், தெலுங்கானா, சத்தீஸ்கர் ஆகிய 5 மாநிலங்களில் சட்டசபைக்கு நடந்த தேர்தலில் மத்திய பிரதேசம், ராஜஸ்தான், சத்தீஸ்கர் ஆகிய 3 மாநிலங்களிலும் பா.ஜனதா ஆட்சியை பிடித்து சாதனை படைத்தது.

இந்த 3 மாநிலங்களிலும் 3 புதிய முகங்களை முதல்-மந்திரி பதவிக்கு பா.ஜனதா மேலிடம் தேர்வு செய்திருக்கிறது.

மத்திய பிரதேசத்தில் தொடர்ச்சியாக ஆட்சியில் இருந்து வரும் பா.ஜனதா இந்த தடவை அதிக இடங்களை கைப்பற்றி இருக்கிறது. அங்கு மோகன் யாதவ் புதிய முதல்-மந்திரியாக தேர்வு செய்யப்பட்டார். 54 வயதாகும் அவர் ஆர்.எஸ்.எஸ். அமைப்பிலும், பா.ஜனதா கட்சியிலும் பல்வேறு முக்கிய பதவிகளை வகித்தவர் என்பது குறிப்பிடத்தக்கது.

இந்த நிலையில் மத்திய பிரதேச மாநில புதிய முதல்-மந்திரி மற்றும் மந்திரிகள் பதவியேற்பு விழா இன்று நடைபெற்றது. மோகன் யாதவ் முதல்வராக பதவி ஏற்றுக் கொண்டார்.

பதவி ஏற்கும் விழாவில் பிரதமர் மோடி, மத்திய உள்துறை மந்திரி அமித்ஷா, உத்தர பிரதேச முதல்-மந்திரி யோகி ஆதித்யநாத், பா.ஜ.க. தேசிய தலைவர் ஜே.பி.நட்டா உள்பட பா.ஜ.க. மூத்த தலைவர்கள் திரளாக கலந்து கொண்டனர்.

மோகன் யாதவுக்கு கவர்னர் பதவி பிரமாணம் செய்து வைத்தார். மோகன் யாதவுடன் மந்திரிகளும் பதவியேற்றுக் கொண்டனர். ராஜேந்திர சுக்லா, ஜெகதீஷ் தேவ்தா இருவரும் துணை முதல்-மந்திரிகளாக பதவியேற்றனர்.

மத்திய பிரதேச மாநில சட்டசபையில் உள்ள 230 இடங்களுக்கு நவம்பர் 17 அன்று நடைபெற்ற தேர்தல் முடிவுகள் டிசம்பர் 3 அன்று வெளியிடப்பட்டது.

வெளியான முடிவுகளின்படி 230 இடங்களில் 163 இடங்களில் பா.ஜ.க. வென்று ஆட்சியை பிடித்தது. பா.ஜ.க.வை எதிர்த்து போட்டியிட்ட இந்திய தேசிய காங்கிரஸ் 66 இடங்களில் மட்டுமே வென்றது.

இத்தேர்தலுக்கான பிரசார காலம் முழுவதும், இந்திய பிரதமர் நரேந்திர மோடியின் சாதனைகளையும் ம.பி.க்கான தேர்தல் அறிக்கையை மட்டுமே பிரசாரத்தில் முன்னெடுத்த பா.ஜ.க., முதல்வர் வேட்பாளர் யார் என்பதை கூறாமலே தேர்தலில் களம் இறங்கி வென்றது.

வெற்றியை தொடர்ந்து இதுவரை முதல்வராக இருந்த பா.ஜ.க.வின் மூத்த தலைவர் சிவராஜ் சிங் சவுகானுக்கு கட்சியில் வேறு பொறுப்பு அளிக்கப்பட உள்ளதாகவும், ஒரு புதிய முகம் முதல்வராக முன்னிறுத்தப்படுவார் என தகவல்கள் வெளியாகின.

நேற்று, அக்கட்சியின் எம்.எல்.ஏ.க்கள் கூட்டம் நடைபெற்றது. அதை தொடர்ந்து உஜ்ஜயின் தெற்கு தொகுதி எம்.எல்.ஏ.வான மோகன் யாதவ் அடுத்த முதல்வர் என அக்கட்சி அறிவித்தது.

ம.பி.யின் உஜ்ஜயின் நகரத்தில் 12 வருடங்களுக்கு ஒரு முறை நடைபெறும் இந்து திருவிழா "உஜ்ஜயின் சிம்ஹாஸ்த மேலா." இந்த பண்டிகை கொண்டாட்டத்திற்காக 872 ஏக்கர் நிலம் ஒதுக்கப்பட்டிருந்தது.

ஆனால், விவசாய நிலங்கள் எனும் பிரிவிலிருந்து குடியிருப்புக்கான நிலங்கள் என யாதவ், யாதவின் மனைவி, யாதவின் சகோதரி ஆகியோர் பயன்பெறும் வகையில் திட்டம் மாற்றப்பட்டதாக நவம்பர் மாத தேர்தலுக்கு சில நாட்களுக்கு முன் இந்திய தேசிய காங்கிரஸ் கட்சி குற்றம் சாட்டி வந்தது.

மேலும், இது குறித்து மோகன் யாதவ் தகாத வார்த்தைகளால் பேசுகின்ற வீடியோ ஒன்றும் சமூக வலைதளங்களில் பரவி வந்தது.

இந்நிலையில், மோகன் யாதவ் முதல்வராக பா.ஜ.க.வினரால் தேர்ந்தெடுக்கப்பட்டதை இந்திய தேசிய காங்கிரஸ் கட்சியின் மூத்த தலைவரான ஜெய்ராம் ரமேஷ் விமர்சித்துள்ளார்.

தனது அதிகாரபூர்வ எக்ஸ் கணக்கில் ஜெய்ராம் பதிவிட்டிருப்பதாவது:

தேர்தல் முடிவுகள் வெளியான 8 நாட்களில் ம.பி.யின் முதல்வராக உஜ்ஜயின் நகர வளர்ச்சி திட்டத்தில் பெருமளவு நிலங்களை முறைகேடாக பயன்படுத்தியதாக குற்றம் சாட்டப்பட்ட ஒருவர் தேர்ந்தெடுக்கப்பட்டுள்ளார். சிம்ஹாஸ்தாவிற்காக ஒதுக்கப்பட்ட 872 ஏக்கர் நில திட்டம் யாதவ் பயன்பெறும் வகையில் மாற்றப்பட்டது. பேசக்கூடாத வார்த்தைகளை யாதவ் பேசிய வீடியோவும் இணையத்தில் பரவி கிடக்கிறது. இதுதான் பிரதமர் மோடி ம.பி.க்கு அளிக்கும் உத்தரவாதமா?

இவ்வாறு அவர் தெரிவித்துள்ளார்.

மத்திய பிரதேச மாநில தலைநகர் போபாலில் நேற்று பா.ஜ.க. எம்.எல்.ஏ.க்கள் கூட்டம் நடந்தது. அதில் புதிய முதல்-மந்திரியாக மோகன் யாதவ் என்ற எம்.எல்.ஏ. தேர்வானார். முதல்-மந்திரியாக மோகன் யாதவ் தேர்வு செய்யப்பட்டார் என்ற அறிவிப்பு வெளியானதும், அனைத்து எம்.எல்.ஏ.க்களும் மிகுந்த ஆச்சரியம் அடைந்தனர். ஒருவர் கூட இதை எதிர்பார்க்கவில்லை. தேசிய அளவிலும் கூட பா.ஜ.க. மூத்த தலைவர்களுக்கு இது மிகுந்த ஆச்சரியத்தை கொடுத்தது.

ஏனெனில் மத்திய பிரதேச முதல்- மந்திரி பதவிக்கான போட்டியில் மோகன் யாதவ் பெயர் இடம் பெற்றிருக்கவில்லை. முன்னாள் முதல்- மந்திரி சிவராஜ்சிங் சவுகான் உள்பட 3 பேர் பெயர்தான் பரிசீலிக்கப்படுவதாக தகவல்கள் வெளியானது.

இந்த நிலையில் மிக மிக சாதாரண நிலையில் இருந்த ஒருவரை மிக உயர்ந்த பதவிக்கு பா.ஜ.க. மேலிடம் கொண்டுவந்துள்ளது. இதன் மூலம் மத்திய பிரதேசத்தில் 48 சதவீதம் உள்ள இதர பிற்படுத்தப்பட்ட இன மக்களுக்கு பா.ஜனதா முக்கியத்துவம் கொடுத்து இருப்பதாக கருதப்படுகிறது.

சிவராஜ்சிங் சவுகானின் அமைச்சரவையில் உயர் கல்வித்துறை மந்திரியாக மோகன் யாதவ் இருந்து வந்துள்ளார். உஜ்ஜைன் தெற்கு தொகுதியில் இருந்து 2013, 2018, 2023-ம் ஆண்டுகளில் அவர் 3 முறை எம்.எல்.ஏ.வாக வெற்றி பெற்றுள்ளார்.

உஜ்ஜைன் நகரில் 1965-ம் ஆண்டு மார்ச் மாதம் 25-ந்தேதி பிறந்த இவர் சட்டம் படித்துள்ளார். முனைவர் பட்டமும் பெற்றுள்ளார். இளம் வயதில் இருந்தே ஆர்.எஸ்.எஸ். இயக்கத்தில் தன்னை ஈடுபடுத்திக் கொண்டார். 1991-ம் ஆண்டு ஆர்.எஸ்.எஸ். மாணவர் இயக்கத்தின் தேசிய செயலாளராக பதவி வகித்தார்.

1993-ம் ஆண்டு பஞ்சாயத்து தேர்தலில் போட்டியிட்டு வெற்றி பெற்றார். இவரை தீவிர அரசியலுக்கு கொண்டு வந்தவர் உமா பாரதி ஆவார். அவர்தான் மோகன் யாதவுக்கு பல்வேறு முக்கிய பதவிகளை வழங்கினார்.

இதன் காரணமாகவே அவர் 2013 சட்டசபை தேர்தலில் போட்டியிட்டு தொடர்ச்சியாக வெற்றி பெற்றார். ஊழல் செய்யாத அரசியல்வாதி என்று புகழ் பெற்றுள்ள இவர் பல்வேறு முக்கிய பொறுப்புகளை வகித்துள்ளார்.

இத்தனைக்கும் இவரது தந்தை சாதாரண டீ விற்கும் பணியைத்தான் செய்து வந்தார். கட்டுக்கோப்பான வாழ்க்கை காரணமாக இவரது திட்டமிட்ட பணிகள் பா.ஜ.க. மேலிடத்துக்கு தெரிய வந்திருந்தது.

எந்தவித எதிர்பார்ப்பும் இல்லாமல் பணியாற்றி வந்த அவருக்கு பல்வேறு காரணங்களால் பா.ஜனதா முதல்-மந்திரி பதவியை கொடுத்திருப்பதாக தெரிய வந்துள்ளது. முதல்-மந்திரி தேர்வு நடந்து கொண்டிருந்தபோது மோகன் யாதவ் எம்.எல்.ஏ.க்கள் அமர்ந்திருந்த வரிசையில் கடைசி இருக்கையில் நெருக்கி அடித்துக்கொண்டு உட்கார்ந்திருந்தார்.

மேடையில் இருந்த தலைவர்கள் மோகன் யாதவ் பெயரை அறிவித்தபோது யாராலும் நம்ப முடியவில்லை. மோகன் யாதவும் ஆச்சரியத்தில் மற்றவர்களை பார்த்தார். அவரிடம் மகிழ்ச்சிக்கு பதில் அதிர்ச்சிதான் அதிகமாக காணப்பட்டது.

ஒரு நிமிடம் அவர் தனது இருக்கையிலேயே அதிர்ச்சியில் உறைந்து போய் அமர்ந்திருந்தார். அப்போது மேடையில் இருந்த சிவராஜ்சிங் சவுகான் சத்தமாக, 'மோகன்ஜி எழுந்து வாருங்கள்' என்று அழைத்தார்.

அதன் பிறகு மோகன் யாதவ் இயல்பு நிலைக்கு திரும்பி மேடைக்கு சென்றார். அவருக்கு தலைவர்கள் மாலை அணிவித்தனர். சிறிது நேரம் கழித்துதான் மோகன் யாதவ் இயல்பு நிலைக்கு திரும்பினார்.

மத்திய பிரதேச முதல்-மந்திரி யார்? என்பது கடைசி நிமிடம் வரை பரபரப்பாகவும், சஸ்பென்சாகவும் இருந்தது. மோகன் யாதவ் பெயர் அறிவிக்கப்பட்டபோது இந்த சஸ்பென்ஸ் உச்சகட்டத்தை எட்டியது.

மோகன் யாதவை முதல்-மந்திரி பதவிக்கு தேர்வு செய்திருப்பதன் மூலம் பா.ஜனதா புதிய வியூகம் ஒன்றை வகுத்திருப்பதாக கூறப்படுகிறது. உத்தர பிரதேசம், பீகாரில் யாதவ இன மக்கள் கணிசமாக உள்ளனர். அடுத்த ஆண்டு பாராளுமன்றத்துக்கு தேர்தல் நடக்கும்போது இந்த இரு மாநில யாதவர்களின் வாக்குகளை அகிலேஷ் யாதவ், லல்லு பிரசாத் யாதவ் ஆகியோரிடம் இருந்து தட்டி பறிக்கவே பா.ஜ.க. மோகன் யாதவை முன்னிலைப் படுத்தி இருப்பதாக கூறப்படுகிறது.

புதிய முதல்-மந்திரியாகி இருக்கும் மோகன் யாதவ் சிறந்த சிவ பக்தர். அவர் தனது சொந்த ஊரான உஜ்ஜைனிக்கு வரும் போதெல்லாம் சிவ ஆலயத்துக்கு சென்று வழிபட தவறுவதில்லை. அந்த சிவன்தான் தனது கணவருக்கு உயர்ந்த பதவியை வழங்கிக் கொண்டிருப்பதாக அவரது மனைவி சீமா யாதவ் மகிழ்ச்சி தெரிவித்துள்ளார்.

58 வயதாகும் மோகன் யாதவ் சிறந்த மல்யுத்த வீரர் ஆவார். அவரை மல்யுத்த பயில்வான் என்றே அழைப்பார்கள். முதல்-மந்திரியாக தேர்வானதும் அவர் மல்யுத்தம் செய்யும் காட்சிகள் சமூக வலை தளங்களில் வைரலாக பரவியது.

தெலுங்கானா, மத்திய பிரதேசம், ராஜஸ்தான், சத்தீஸ்கர் ஆகிய 4 மாநிலங்களில் கடந்த மாதம் 7ம் தேதி முதல் 30ம் தேதி வரை பல்வேறு கட்டங்களாக வாக்குப்பதிவு நடைபெற்றது.

இதன் வாக்கு எண்ணிக்கை டிசம்பர் 3ம் தேதி நடைபெற்றது. இதில், தெலுங்கானாவில் காங்கிரஸ், மத்திய பிரதேசம், ராஜஸ்தான், சத்தீஸ்கர் ஆகிய மாநிலங்களில் பாஜகவும் வெற்றி பெற்றது.

தெலுங்கானாவில் முதலமைச்சராக ரேவந்த் ரெட்டி பதவி ஏற்றார். சத்தீஸ்கரில் முதலமைச்சராக விஷ்ணு தியோ சாய் தேர்வானார்.

இந்நிலையில், மத்திய பிரதேச மாநிலத்தின் புதிய முதல்வர் யார் என்று அறிவிக்கப்பட்டுள்ளது. அதன்படி, மத்திய பிரதேச மாநில முதல்வராக மோகன் யாதவ் தேர்வாகியுள்ளார்.

தெற்கு உஜ்ஜைன் தொகுதி எம்எல்ஏவாக தேர்வான மோகன் யாதவ் அம்மாநிலத்தின் முதலமைச்சராக பதவி ஏற்கிறார். கடந்த சிவராஜ்சிங் சவுகான் தலைமையிலான பாஜக அரசில் மோகன் யாதவ், கல்வித்துறை அமைச்சராக இருந்தார்.