வெங்கல் அருகே மோட்டார் சைக்கிள்கள் மோதல்: வாலிபர்  பலி

பெரியபாளையம்:

வெங்கல் மொன்னாவேட்டை சேர்ந்தவர் அஜித் குமார் (21). இவர் ஸ்ரீபெரும்புதூரில் உள்ள ஒரு தனியார் நிறுவனத்தில் வேலை பார்த்து வந்தார்.

நேற்று இரவு பணி முடிந்து தனது மோட்டார் சைக்கிளில் வீடு திரும்பினார். வெங்கல் மொன்னாவேடு அருகே வந்த போது எதிரே வந்த மற்றொரு மோட்டார் சைக்கிள் மீது அஜித்குமார் மோட்டார் சைக்கிள் மோதியது.

இதில் படுகாயம் அடைந்த அஜித்குமாரை சிகிச்சைக்காக திருவள்ளூர் அரசு மருத்துவ மனையில் சேர்த்தனர். அங்கு சிகிச்சை பலன் இன்றி அஜித்குமார் இறந்தார். விபத்து நடந்த வுடன் மோதிய வாலிபர் தப்பி ஓடிவிட்டார்.