விருதுநகர்:
விருதுநகர் கோட்ட முதுநிலை தபால்துறை கண்காணிப்பாளர் நிரஞ்சலாதேவி வெளியிட்டுள்ள அறிக்கையில் கூறியிருப்பதாவது:-
விருதுநகர் தலைமை தபால் நிலையத்தில் ஆதார் சேவை மையம் கடந்த மாதம் 2-ந்தேதி முதல் செயல்பட்டு வருகிறது. இந்த சேவை மையத்தில் ஆதார் பதிவு மற்றும் திருத்தம் செய்ய வாய்ப்புள்ளது. இதை தொடர்ந்து மாவட்டத்தில் உள்ள அனைத்து தாலுகா தபால் நிலையங்கள் உள்பட 35 தபால் நிலையங்களில் ஆதார் சேவை மையம் தொடங்கப்பட்டுள்ளது. இச்சேவை மையங்களில் பொதுமக்கள் ஆதார் விவரங்களை பதிவு செய்யவும், பதிவு செய்யப்பட்ட விவரங்களை திருத்தம் செய்யவும் ஏற்பாடு செய்யப்பட்டுள்ளது.
திருத்தம் செய்வதற்கு கட்டணமாக ரூ.25-ம், கருப்பு-வெள்ளை ஆதார் அட்டை நகல் எடுக்க ரூ.10-ம், கலர் ஆதார் அட்டை நகல் எடுக்க ரூ.20-ம், 18 சதவீத சரக்கு சேவை வரியுடன் செலுத்த வேண்டும். மாவட்ட மக்கள் அருகில் உள்ள தபால் நிலையங்களை அணுகி இந்த மையங்களை பயன்படுத்தி பயன்பெறலாம்.
இவ்வாறு அவர் அதில் கூறியுள்ளார்.
